3 Italiani (已結業)

番左成日工好攰嫁嘛，就去同同事食甜品。本身就已經超愛食gelato，諗起之前去意大利旅行既時候日日食兩球就開心所以就揀左食gelato。以gelato黎講3種味$75 真係算平，又可以試多啲味。佢都幾多味揀，至少有20種。左: kinder朱古力 牛奶加朱古力碎 開心果中: 白朱古力 芒果 牛奶右: 抹茶 朱古力雪芭 tiramisu隻隻都好好味，味道好出好濃。其實牛奶同牛奶加朱古力碎係一樣味，只係有碎定冇碎。特別想講下三隻味，分別係開心果，抹茶同朱古力雪芭。開心果味真係好似食緊開心果咁，味好出，唔似其他好淡咁。抹茶又係好正，日本有分好多濃度既抹茶雪糕嫁嘛，佢呢隻係普通抹茶味個種濃到，個個都岩食。如果你同我一樣係朱古力控的話，就一定要試下朱古力雪芭。佢唔係真係雪芭既質地。你睇隻色咁深色就知，佢唔係50幾%個種甜度，我覺得係至少75%以上，超濃但又唔苦。而且佢淨係朱古力味都有好多種，有oreo，榛子朱古力，橙味朱古力等，最特別仲有芥末朱古力。其實好多味想食，大家買之前可以叫職員俾少少你試下先，試岩再買。