順德公漁村河鮮酒家 (已結業)

book左枱今晚放工同屋企人o黎順德公食晚飯，呢度D河鮮令我好回味無窮啊。位於帝盛酒店內一樓嘅順德公漁村，上到去環境好寬敞同埋氣派好典雅， 一入到去見到魚缸有好多河▪海鮮， 最搶眼嘅就係一份份處理好嘅魚頭·魚鮫， 魚肉新鮮粉嫩白裏透紅，好似肥拖羅咁， 未睇餐牌就知一定要食佢。 坐低叫咗壺鐵觀音，服務員嘅態度由頭到尾都好有禮貌，招呼仲要好週到，今晚覺得自己同家人VIP享受咁。今晚三餸一湯，我就超鐘意飲湯嘅，叫左個蟲草花天麻魚頭湯， 女人時刻都要進補架， 呢個藥膳湯真係心水推介， 勁足料啊!裡頭有好多藥材好滋補!有雞腳啦、 蟲草花、 杞子、紅棗、仲有我最鍾意食嘅魚魚， d魚好滑一d都冇腥味， 飲完個湯，仲要暖笠笠咁。 我哋叫左個馳名煎焗啜魚嘴，個魚嘴嚟到嘅時候有砂鍋哄住， 遠遠都聞到香味😋 魚咀d肉好嫩滑，呢個啜魚嘴就係頭先出面睇嗰隻，煎焗得好香脆喎，真係一流!呢個係主打，未食過嘅朋友一定要試下! 另外呢又叫咗個咕嚕肉， 出面真係未食過咁好味 ， 呢間順德公漁村整嘅咕嚕肉，外面薄薄一層好似餅乾感鬆脆 ，裏面嘅肉仲要keep住好juicy。 另外叫咗個籠仔荷葉蒸梅菜菜心試下， 覺得個配搭好m