新麻蒲 BBQ (新都會廣場) (已結業)

今晚轉戰葵芳繼續我地無飯夫妻偷食之旅，老婆落左order要禁絕澱粉質，easy汁完全無難度，一諗就諗到食韓燒！呢間自詡為韓國第一韓燒，試過午巿套餐已念念不忘，今晚朕要與妳共渡春宵。唔想自隊一個步隊鍋，睇見呢個泡菜仔居然以達人自居咁串咀，一於試下燒肉達人套餐！一開波趁住爐火純青，燒塊特級霜降牛肉，油脂分佈平均紋理又靚，我鍾意新麻蒲的爐火細唔會好多油煙，火候易掌握可以同老婆陰啲陰啲慢慢燒。霜降入口即溶，鬆化有牛味，靚牛即燒即食根本唔洗調味，齋試呢塊牛都已經滿足到不得了。世界第一唔敢講，葵芳第一一定走唔甩。品嚐完霜降，要進入加速模式了。狂風掃落葉式燒肉正式開動，有牛肋、牛護心、豬肩、豬頸，頭肩頸突破埋頸線就輪到豬排骨，燒肉達人當之無愧！再黎五花「腩」，千金裘，呼兒將出換美酒，與爾同銷萬古愁，今餐真係乜仇都報曬！超級滿足過後要諗嘅係要跑返幾多個圈先可以燃燒今餐卡路里！既然念左將進酒，緊係今朝有酒今朝醉，美食當前食左先算。唔可以唔提係爐邊果條罅，原來另有乾坤，趁開爐時灌入蛋漿，爐火溫度慢慢烘出泡菜玉子燒，真係別有一番滋味在心頭！