Greyhound Café (國際金融中心) (已結業)

2018年6月23日。中環。雨。天時暑熱，行商場就係最佳消暑活動不過～要喺IFC或者附近搵食，想食得經濟實惠啲嘅都幾難加上落雨就更加唔想離開商場行行下見Greyhound唔多人排隊，就排住先排排下又放棄咗再搵其他餐廳嘅念頭，好彩排咗5分鐘左右就有枱啦坐喺廚房隔離張枱，傳菜員不停出出入入，坐得唔係十分舒服但都唔緊要啦，食物質素最重要對住本menu選擇困難症大發作研究咗一大輪終於決定好落單啦4個人嗌咗5樣嘢先來嘅係泰式柚子沙律食親泰國嘢都必叫嘅item，但係無預計個份量咁多柚子上面有魚乾仔，蝦乾／皮同花生，仲有幾隻辣椒仔下面墊咗幾塊生菜，隔離仲有啲類似紫蘇葉嘅物體當然入面撈咗個好惹味啲沙律汁，鹹鹹酸酸，食到少少魚露味，加埋甜甜酸酸嘅柚子，非常開胃，好好味～泰式海南雞飯會跟埋個湯，個飯唔似係雞油飯，無平時食嘅普通海南雞飯咁香口跟三個醬，正正常常，無乜特別反而個雞嘅肉質麻麻地，嚡口，同韌，好似食緊雞胸肉咁，唔夠嫩滑，有啲失望最值得讚賞嘅係個湯，清甜可口鮮蝦炒金邊粉，份量相對其他食物少啲pad thai都係泰菜基本菜式，但食落幾有驚喜首先配料好多，有五六隻大大隻嘅鮮蝦有青檸、芽菜，旁邊仲有花生碎