五行 (已結業)

好耐冇見嘅朋友約食飯。佢係大忙人，當然要就佢返工，就喺IFC附近搵嘢食。見呢間拉麵環境唔錯，又即時有位，雖然貴少少都照入啦。睇下menu，午市供應拉麵套餐，百五蚊（要加一）有一碗拉麵加3舊壽司。喺IFC差唔多環境嘅餐廳嚟講算唔太貴。兩條友被安排坐吧檯，可以見到師傅喺入面準備食物，服務亦都幾周到嘅。叫咗一個『五行濃厚味噌拉麵』，佢個碗係高身嘅，有啲似以前中國古代嘅酒杯。先飲一啖湯，有焦香味同味噌味，熱度很夠。湯底係豬骨煲成，好有豬油香。面係較粗身嘅，有彈性，幾襯佢個湯底。叉燒同糖心蛋都做得唔錯。至於嗰三舊壽司就不過不失。