I Leisure (已結業)

今日同朋友去咗I Leisure食嘢，聽朋友講，呢間係一間新開嘅樓上酒吧，但呢間酒吧都有主食供應，環境仲唔錯。六點幾同朋友上到去咁啱可以坐到特色鳥籠，通常啲人都係夜晚先會想去食嘢加飲酒，所以咁好彩俾我地坐到呢個打卡位。🥢特色海鮮搖盤呢個海鮮拼盤係一個Shake shake袋，店員會喺我哋面前將海鮮袋搖勻，淨係食海鮮已經好飽，份量超大份，兩個人食絕對足夠。我哋叫咗微辣，但我朋友唔嗜辣，所以有少少太辣😂但好惹味。shake shake 海鮮用的醬汁係餐廳獨創的馬來西亞特色辣汁！🥢龍蝦包因為掛住食海鮮，龍蝦包同薯條比較遲先食，雖然有少少凍咗，但薯條一樣咁脆。至於龍蝦包入面好足料龍蝦肉同沙律爆曬出嚟，完全係大滿足。🥢火焰雞翼呢份雞翼有八隻，我同朋友每人可以食四隻。一上碟嘅時候，店員會加玫瑰露酒喺上面然後再用火燒，完全係全晚另外一個最值得打卡嘅位。雞翼有好濃嘅玫瑰露酒味，好香好好食。🥢I Leisure (尖沙咀)尖沙咀北京道65至69號環球商業大廈12樓