Kuro Shabu (已結業)

聽朋友介紹呢間係上環soho區嘅Kuro Shabu好好食，就約埋男朋友book位嚟食下。呢到主打係食和牛同黑豚，就緊係要食下啦。一叫完好快就上左個鍋同蔬菜，昆布湯底好日式，蔬菜店員suggest我地最後先食。店員好好服務，特別同我哋介紹佢哋嘅醬汁有柚子醋同芝麻醬，兩個醬都好出色。A4A5和牛都有唔同部位，店員話放落湯到3秒就食得，食落真係好嫩滑，點少少醬汁調下味已經好好食。手打烏冬好滑好好食，五穀米好香，煙煙靭靭好有口感。黑豚原來都可以咁滑，唔同部位都咁好食，非常impressed。最後甜品有好香濃綠茶味嘅雪糕，唔會太甜，配隔離啲木糠食脆脆地，有口感又好食。好滿足！