Sepoy Mess

餐廳位於ELEMENTS金區頂層，主打英式印度菜，食物款色多樣化，店內設有室內同戶外位置，上下兩層，座位闊落，感覺舒適。當日無論係客人或者店員都係外籍人士偏多，服務態度友善，上菜速度較慢，想一邊同朋友傾吓偈一邊享受吓異國風情嘅話，呢度都係個唔錯嘅選擇。前菜有Masala Garden Salad，混合蕃茄、青瓜、洋蔥，再灑上新鮮芫荽同埋秘製薄荷醬汁，味道清新，十分開胃。Lamb Vindaloo Samosa外皮炸至金黃色，酥脆可口，羊肉餡料都唔少，微微辣幾惹味。Keema Masala Tacos外皮用自家製菠菜製作，煙煙韌韌，餡料豐富，搭配醬汁令整體味道昇華。印度菜唔少得咖喱配薄餅，Nagpuri Fish Curry帶椰香氣，魚肉大塊啖啖肉、Smoky Eggplant Bharta打碎成蓉，質感杰身、Naan切開為兩份方便食用，味道方面要咗Butter同Garlic Coriander，前者面頭有層油，一齊焗好香，個人更喜歡，後者味道較清新，各有千秋。甜點有Sticky Toffee Pudding，細細一份，布甸係熱嘅，質感好結實，帶點彈性，上面放上雲呢拿雪糕，將甜甜地嘅拖肥