影片
更多
2008-12-08
12 瀏覽
是次活動, 獲得openrice的邀請, 一嚐清酒及正宗的串燒, 真是一樂也!餐廳面積不是很大, 可容納大約35-40個客人左右 (戶外吸煙區有1張8人桌、bar桌可坐5人左右), 獲邀的客人多是年青人, 口味都差不多吧! 不過地點位於卑利街街尾, 都幾難搵喎~好喇, 入正題先...男老闆介紹左佢地成立到依家既歷史, 再介紹一下佢地有咩人識飲酒, 之後就主講清酒的典故清酒主分為四種, 我地一次過就可以試晒四種口味了!女合伙人又出黎講下我地點樣品嚐d酒, 由淡到濃, 由甜酒到勁酒...(其實我對酒真係無咩研究, 但都知道佢地好有研究, 希望我地對日本清酒的文化有更深入的研究)首先上了佐酒用的枝豆, 再配以千曲錦吟釀酒。(呢款係最好飲既一杯, 不過就係淡左少少)我們就繼續邊看主人家一早準備好的清酒筆記，邊看powerpoint品賞清酒佳餚。可能之前只係食左早餐, 下午乜都無食, 所以就十分期待佢地既串燒喇:凍豆腐－滑滑地啦，但好多薑蓉喎~ 溫室蕃茄Salad－蕃茄酸酸甜甜，乃為醒胃之作燒青椒－不辣，但味道就單調了點芝士春卷－芝士味夠濃，令人回味無窮燒鰻魚－鰻魚肉厚香濃，很有魚参味道雜菜薯餅
餐廳面積不是很大, 可容納大約35-40個客人左右 (戶外吸煙區有1張8人桌、bar桌可坐5人左右), 獲邀的客人多是年青人, 口味都差不多吧! 不過地點位於卑利街街尾, 都幾難搵喎~
好喇, 入正題先...
男老闆介紹左佢地成立到依家既歷史, 再介紹一下佢地有咩人識飲酒, 之後就主講清酒的典故
清酒主分為四種, 我地一次過就可以試晒四種口味了!
女合伙人又出黎講下我地點樣品嚐d酒, 由淡到濃, 由甜酒到勁酒...(其實我對酒真係無咩研究, 但都知道佢地好有研究, 希望我地對日本清酒的文化有更深入的研究)
首先上了佐酒用的枝豆, 再配以千曲錦吟釀酒。(呢款係最好飲既一杯, 不過就係淡左少少)
我們就繼續邊看主人家一早準備好的清酒筆記，邊看powerpoint品賞清酒佳餚。
可能之前只係食左早餐, 下午乜都無食, 所以就十分期待佢地既串燒喇:
凍豆腐－滑滑地啦，但好多薑蓉喎~
溫室蕃茄Salad－蕃茄酸酸甜甜，乃為醒胃之作
燒青椒－不辣，但味道就單調了點
芝士春卷－芝士味夠濃，令人回味無窮
燒鰻魚－鰻魚肉厚香濃，很有魚参味道
雜菜薯餅－新鮮熱辣，味道有點像竽頭呢
雞翅膀－廚師將一只雞翅膀壓了才燒，但覺得不夠入味
雞粒燒－像是手打的，很有特色及創意
泡菜豬肉－幾得意呀
雞軟骨串燒－只見隔離桌有上，但我們桌就漏了>.<
洋蔥－洋蔥味太過生，所以吃上口就辣得很！如果洋蔥可變甜的話，多好！
鵝肝脆面包－鵝肝入口融化，但多了一點血水，有少少腥味呢！
翠玉瓜－未見過人地燒呢個喎～特別之作！
牛肋骨－韌了一點，味略濃了點，可放輕一點調味
羊肉丸－完全沒有羊羶味，好味爽口彈牙！
燒牛舌－十分香及好吃，吃完了都不夠飽既？
邊食串燒邊飲酒，理應一樂也，但本人因為病了，不能盡飲，只可以聞聞其餘的清酒有: 凍吉田屋治助、凍梅乃宿古酒吟釀、暖暖的純米大吟釀、龍力特別純米，本人只覺得越黎越濃，真係飲不入口，可能係怕醉吧...
真串的幾位老闆還會定期舉辦清酒班，看得出他們那個敬業樂業的精神！
而另一位台灣的美媚（名叫”符符”）就比較少出聲，但經過老闆介紹，她於日本讀書了七年之久，如果她都能說說日本之清酒事業就好喇！
建議：如室外有客人吸煙，建議關起門，以免室內人士聞到味會不歡
張貼
