M Zone 親和藝術 (已結業)

一個下雨嘅星期天，嚟咗尖沙咀行街，忽然雨越下越大，最後打開Openrice搵咗呢家餐廳，吃個午飯避一避雨。呢家餐廳位置不太好找，但我為何還要前來呢？！其實係因為鍾意餐廳無加一。這是一家寧靜的餐廳，看了看餐牌，發現這裡有我最愛的「愛爾蘭咖啡 」$108，立即我就下單了。等了一會兒，服務員便在眼前制作愛爾蘭咖啡，當下好開心，正！！其實愛爾蘭咖啡出現於香港餐廳不算是普遍，有些人會將呢杯飲品歸類為雞尾酒系列，因為飲品成份涉及愛爾蘭威士忌。愛爾蘭咖啡材料不多，包括咖啡、糖、忌廉，還有威士忌，但是它的工序絕不簡單，因此可以喝到的地方不多。結論：咖啡係幾好飲，愛爾蘭威士忌的酒香濃郁之餘又不會蓋過咖啡本身的味道，不會太甜，配上鮮忌廉，好味道啊。食物方面，我要咗「芝士手打牛肉煙肉漢堡」$88，個漢堡等咗20分鐘。漢堡最重要係個牛肉，個牛肉厚身，多汁有咬口，相信真的是手打，漢堡入面仲有塊芝士，蕃茄，青瓜，生菜，食材都新鮮。側邊有炸薯角，配上芝士粉好味，薯角旁邊有個醬汁，唔知咩名堂，但個汁係幾好食。由於無加一，飲品食物合共$196-價錢合理，環境清靜，下次可以再來。