影片
更多
2010-04-22
19 瀏覽
未黎之前朋友話呢間野好特別, 因為係係loacl街市食高級西餐. 呢個組合聽落真係幾特別. 近期好有多高級野無論選址同價位都走向平民化, 每一次去呢d舖頭之前心入面都會暗暗希望佢哋既食物質素唔好都一樣走向平民化....皇后街既熟食市場唔係好大, 除左abc之後, 其餘幾間都係係熟食市場常見大排擋, 所以abc紅色枱布既西餐排場特別顯眼, 基本上一推門入去就見到. 我哋去到既時候已經係7點幾半, 但見abc既枱多樓都係空既但係就好多枱都有個reserved牌. waiter問明我哋係無訂枱之後本來想話無得食.... 不過諗諗下佢話可以開多張枱俾我哋, 就係咁, 我哋就被安排係靠牆既枱仔. 一男一女侍應都好熱情咁為我哋介紹dinner set 同埋 today special. 最後我哋就點左一set dinner for two with sparkling wine. sparkling wine: 就算凍既時候苦味比較重, 唔算係易入口嗰種. homemake bread: 外脆內軟既意式香草麵包, 上枱時熱辣辣, 用黎送個湯好正.甘荀忌廉湯: 個湯好creamy, 個湯既顏色好橙色
皇后街既熟食市場唔係好大, 除左abc之後, 其餘幾間都係係熟食市場常見大排擋, 所以abc紅色枱布既西餐排場特別顯眼, 基本上一推門入去就見到. 我哋去到既時候已經係7點幾半, 但見abc既枱多樓都係空既但係就好多枱都有個reserved牌. waiter問明我哋係無訂枱之後本來想話無得食.... 不過諗諗下佢話可以開多張枱俾我哋, 就係咁, 我哋就被安排係靠牆既枱仔. 一男一女侍應都好熱情咁為我哋介紹dinner set 同埋 today special. 最後我哋就點左一set dinner for two with sparkling wine.
sparkling wine: 就算凍既時候苦味比較重, 唔算係易入口嗰種.
homemake bread: 外脆內軟既意式香草麵包, 上枱時熱辣辣, 用黎送個湯好正.
甘荀忌廉湯: 個湯好creamy, 個湯既顏色好橙色, 好討好. 但係我飲落既時候又唔係好飲到甘荀味, 反而因為個顏色既關係, 我確實有一陣子以為自己飲緊既係南瓜湯.
蕃茄忌廉煙肉意粉 and 蜆肉白汁意粉: 汁同意粉比例岩岩好, 意粉既口感比較實身, 應該係選材嗰一方面下過功夫. 但係味道上面整體講唔出有咩特別... 但係以呢個價錢黎講就真係特別好食.
西班牙烤乳豬: 前面嗰幾度都係普普通通, 但係呢個主菜就真係好味道. 乳豬既豬皮烤到脆卜卜就當然嫁啦, 乳豬肉好嫩, 連皮食都唔會覺得好油咁. 如果唔係常識話我知乳豬其實好肥的話, 我一定會繼續食囉. 呢個MAIN COURSE真係食到高級餐廳既水準. 用呢個價錢食到就更加係抵TIM呀.
今晚呢一餐確實係有高級餐廳既水準, 但係係食既過程有D小事情總會提醒我我而家身處既係一個街市而唔係餐廳入面, 例如我既高跟鞋既鞋踭總會有意無意卡住係去水位既蓋到. 當然, 其中一樣REMIND我既仲有埋單時既價錢啦. 二百幾蚊兩個人食到口同胃都滿足晒, 係中環既餐廳舖位就算係同一價位, 相信都無咩可以做到呢個水準
張貼
