Van Gogh SENSES (已結業)

Van Gogh SENSES店內全以梵高為主題，有多款梵高嘅藝術作品，揀喺1881開店已經多一重文藝氣息，呢日我就同閨蜜一齊嚟試吓佢嘅Tea set<杜比尼家的花園下午茶>，一齊瘋狂影相打卡👏🏻呢度嘅裝修，配置，餐具，一枱一櫈都好有心思，好細緻。店內一旁全排用上大大嘅玻璃窗，透入自然陽光，感覺舒適自在。Tea Set價錢唔貴$468/兩位用。賣相精美吸引，點心架上枱嗰陣，中間嘅永生花音樂盒係轉動中仲播緊音樂，一見到呢個造型，真係令到各位少女心大爆發🥰英式鬆餅配咸甜醬各一。鬆餅十分鬆軟香口！甜 : 紅桑子甜椒果醬，味道清新，帶點酸酸甜甜。咸 : 鹹蛋黃牛油，味道有驚喜，味道香濃惹味。除咗英式鬆餅，仲有咸點甜點各三件。- 咸點 : 法國牛油牛角包配火腿荷蘭芝士蘇格蘭煙三文魚配北海道粟米餅鴨旦蠶豆烘蛋配意大利魚子醬- 甜點 : 蘋果鹽味焦糖蛋糕香橙鴨胸馬卡龍三文魚白蘆筍馬卡龍值得一提嘅係，除咗件件賣相都好精美吸引之外，味道亦都好出色，名乎其實好睇又好食。甜點甜度適中，唔會好甜好漏，好切合香港人嘅口味。薑橙迷情有淡淡嘅薑味，唔係刺激嘅辛辣薑茶，橙味清香，紅茶底香醇唔澀。Caf