影片
更多
2017-08-01
12208 瀏覽
生日慶祝首選Sheraton 的 Oyster & wine bar，一個月前已落訂+book位，精打細算的我緊係用信用咭的折扣優惠。星期日12-3pm，陽光很猛，但維港景色矇矓，坐窗邊位較熱。餐廳的室內設計為正常酒店格局。Oyster champagne brunch ($998 一位)Champagne係法國的Perrier-jouet ，free flow 真係好抵飲，仲有紅白酒，、cocktail、mocktail任飲。Champagne 容易入口，夠凍，cheers。Olive & cured hamBread basket食蠔之前可以先喝龍蝦湯暖胃，食蠔就唔會攪肚。既然可以任食生蠔就緊係全部試晒先，今日生蠔有5款選擇，當中以紐西蘭的Kaipara最好，易入口，海水味較淡，口感爽脆。另外，Ostra Regal 係來自法國的，都ok，質感較creamy，比Kaipara鹹少少。呢兩款可以連食一打。Starter也有幾款關於生蠔，蠔迷一定要試晒。Oyster flan 的材料有fois gras、sea bass 和black truffles，用小杯裝，份量唔會太大，口感似薯
星期日12-3pm，陽光很猛，但維港景色矇矓，坐窗邊位較熱。餐廳的室內設計為正常酒店格局。
Oyster champagne brunch ($998 一位)
Champagne係法國的Perrier-jouet ，free flow 真係好抵飲，仲有紅白酒，、cocktail、mocktail任飲。
Champagne 容易入口，夠凍，cheers。
Olive & cured ham
Bread basket
食蠔之前可以先喝龍蝦湯暖胃，食蠔就唔會攪肚。既然可以任食生蠔就緊係全部試晒先，今日生蠔有5款選擇，當中以紐西蘭的Kaipara最好，易入口，海水味較淡，口感爽脆。另外，Ostra Regal 係來自法國的，都ok，質感較creamy，比Kaipara鹹少少。呢兩款可以連食一打。
Starter也有幾款關於生蠔，蠔迷一定要試晒。Oyster flan 的材料有fois gras、sea bass 和black truffles，用小杯裝，份量唔會太大，口感似薯蓉，黑松露甚香，味道濃郁，值得一試。
Foie gras terrine除了有鵝肝，還有磨菇、poached egg 和potato foam。炒過的mushroom好香，蛋熟度剛剛好，可以和薯foam 混和一起吃，口感好smooth。
呢兩款係經典的焗蠔，Gratinated oyster (almond, parsley, garlic butter)和 Oystee kilpatrick (bacon, shallots, worcestershire sauce)，兩款都很美味，不可錯過。
Main course的 Lobster Thermidor 來自boston，有半隻龍蝦，配上有機黑藜麥。賣相十分精緻，仲有成隻完整的龍蝦蚶，好有心機的dish。龍蝦肉質彈牙，以法式烹調，好矜貴的主菜，滿分。
另一主菜係Seabream Filet 'A la plancha'，條鯛魚都幾大份， 拌青豆、紅椒、魷魚和薯仔。魚以西班牙方法烹調，即鐵板煎魚，魚面香脆肉嫩，非常有質素。
Buffet 部份的冷盤都唔錯，有地中海雜菜、鮮魷沙律、肥肝冷凍、吞拿魚、白酒醋小洋蔥和雅枝竹。相反，刺身一般，可以skip。
甜品都食左幾轉，推介檸檬及青檸蛋白tart和香草焦糖布甸。豆腐mousse超滑，如真豆腐般嫩。草莓椰子蛋糕，淡淡的椰子味清香，口味獨特。
Menu仲可以order souffle或Haagen Dazs雪糕，唔太吸引，可以再有特色D，和starter和main比，跌左watt。都試下ginger 味梳乎里個sauce有D咸。
Mango magic mocktail都幾濃芒果味。
TWG earl grey tea可以消滯。
張貼
