影片
更多
2024-11-28
389 瀏覽
同朋友一齊嚟咗呢間日本🇯🇵燒烤餐廳食燒烤🤣喺日本🇯🇵嘅超市、餐廳、商店、農產品直賣市場 等 經常都會見到 JA 呢兩個字🤣農業協同組合（のうぎょうきょうどうくみあい），亦都簡稱為農協（のうきょう）或 JA，係指由日本🇯🇵 694 （可能數字有變🤣）個地區合作社組成嘅全國性團體，為成員提供聯繫協助，承擔包裝、運輸、農產品行銷、金融、保險等服務；雖然「JA」係各市鎮運作嘅合作社，但「JA Group」監督多個都道府縣嘅區域性合作社、跨市縣經營農產品生產、批發業務，係一個極龐大嘅組織， 「JA」同「JA Group」經常互換使用；而「農協」喺香港亦都有分部「全農インターナショナル香港株式会社」，呢間餐廳好似係 JA 組織底下嘅，所以應該可以搜羅到好多日本🇯🇵各地嘅高質素農產品🤣$98「豆腐沙律」：豆腐滑得嚟幾有質感，沙律菜新鮮，加埋胡麻沙律醬，簡單又好食🤣$560「特選日本產和牛肉眼」、$218「日本產和牛上牛排肉」、$128「日本產和牛排肉」、$70「牛舌（厚切）」：店員姐姐話大部份牛都係喺佐賀県嚟，日本好多県嘅和牛都好出名，佐賀係其中一個😋；不同部位嘅和牛都好牛味，油脂亦都非常充足，特別
喺日本🇯🇵嘅超市、餐廳、商店、農產品直賣市場 等 經常都會見到 JA 呢兩個字🤣
農業協同組合（のうぎょうきょうどうくみあい），亦都簡稱為農協（のうきょう）或 JA，係指由日本🇯🇵 694 （可能數字有變🤣）個地區合作社組成嘅全國性團體，為成員提供聯繫協助，承擔包裝、運輸、農產品行銷、金融、保險等服務；雖然「JA」係各市鎮運作嘅合作社，但「JA Group」監督多個都道府縣嘅區域性合作社、跨市縣經營農產品生產、批發業務，係一個極龐大嘅組織， 「JA」同「JA Group」經常互換使用；而「農協」喺香港亦都有分部「全農インターナショナル香港株式会社」，呢間餐廳好似係 JA 組織底下嘅，所以應該可以搜羅到好多日本🇯🇵各地嘅高質素農產品🤣
$98「豆腐沙律」：豆腐滑得嚟幾有質感，沙律菜新鮮，加埋胡麻沙律醬，簡單又好食🤣
$560「特選日本產和牛肉眼」、$218「日本產和牛上牛排肉」、$128「日本產和牛排肉」、$70「牛舌（厚切）」：店員姐姐話大部份牛都係喺佐賀県嚟，日本好多県嘅和牛都好出名，佐賀係其中一個😋；不同部位嘅和牛都好牛味，油脂亦都非常充足，特別係 Premium Rib Eye 同埋 Ox Tongue 真係勁甘香充滿 umami 🤣
$108「日本產厚切豚腩肉（辛味）」：豬腩肉當然係甘香啦，用辛辣醬醃過，味道更加濃郁🤣
$30「白飯」：唔記得咗問係日本🇯🇵邊度嚟嘅白米不過總之呢個白飯好好米味🤣$48「雞蛋湯」：有雞蛋、香蔥，紅蘿蔔 等，湯底味道好似係牛肉牛骨湯，好飲🤣
$30「烏龍茶」：清新好飲🤣
$45「巨峰梳打」：叫咗少甜，咁都係清新好飲🤣
張貼
