影片
更多
2018-08-08
874 瀏覽
Jam作為一個動詞嘅話，我會理解咗jam歌嘅意思，但係呢間舖面名上面，佢係解果醬，一間以果醬做賣點，除咗甜品麵包會用到果醬之外，連主菜都會用到！ Let's Jam😋佢離佐敦站只係幾分鐘路程，位置於山林道附近，個邊其實都有好多美食，而佢就靠果醬嚟突圍而出啦餐廳有室內同室外位置，當時平日七點左右去到已經有五六枱客食緊，除咗朋友聚會之外，亦見到有媽媽帶埋bb仔嚟食果醬方面佢提供好多選擇，有玫瑰蘋果、肉桂蘋果、桂花雪梨、丁香香橙、蛋黃菠蘿、木瓜雪耳、熱帶風情等等。除咗煮落嘢食之外，仲可以俾人買果醬番屋企😛 最特別係見到menu上無嘅榴連味！🥘龍蝦汁海鮮意大利飯份量足夠俾一個男人食，上面有青口、蝦、帶子、魷魚等等嘅海鮮，非常足料！飯粒有咬勁，成個飯都充滿住汁，但又唔會煮到好腍好水，黏黏地而且見到少少芝士絲，味道不錯👍🏿🐔玫瑰蘋果醬單骨雞翼呢個醬唔係就咁點嘅，而係已經舖滿哂雞翼上面，單骨雞翼本身就煎過嘅。個醬同雞翼好match，甜甜地但唔會好膩或者漏，雞翼外層keep住脆脆地，肉質嫩滑，連𥚃面嘅肉都有少少甜味🍄野菌忌廉湯味道幾濃👍🏿 成個湯唔會好稀好似水咁，入面會食到蘑菇碎🍒果醬沙冰 雜莓呢款好
Jam作為一個動詞嘅話，我會理解咗jam歌嘅意思，但係呢間舖面名上面，佢係解果醬，一間以果醬做賣點，除咗甜品麵包會用到果醬之外，連主菜都會用到！ Let's Jam😋
佢離佐敦站只係幾分鐘路程，位置於山林道附近，個邊其實都有好多美食，而佢就靠果醬嚟突圍而出啦
餐廳有室內同室外位置，當時平日七點左右去到已經有五六枱客食緊，除咗朋友聚會之外，亦見到有媽媽帶埋bb仔嚟食
果醬方面佢提供好多選擇，有玫瑰蘋果、肉桂蘋果、桂花雪梨、丁香香橙、蛋黃菠蘿、木瓜雪耳、熱帶風情等等。除咗煮落嘢食之外，仲可以俾人買果醬番屋企😛 最特別係見到menu上無嘅榴連味！
🥘龍蝦汁海鮮意大利飯
份量足夠俾一個男人食，上面有青口、蝦、帶子、魷魚等等嘅海鮮，非常足料！飯粒有咬勁，成個飯都充滿住汁，但又唔會煮到好腍好水，黏黏地而且見到少少芝士絲，味道不錯👍🏿
🐔玫瑰蘋果醬單骨雞翼
呢個醬唔係就咁點嘅，而係已經舖滿哂雞翼上面，單骨雞翼本身就煎過嘅。個醬同雞翼好match，甜甜地但唔會好膩或者漏，雞翼外層keep住脆脆地，肉質嫩滑，連𥚃面嘅肉都有少少甜味
🍄野菌忌廉湯
味道幾濃👍🏿 成個湯唔會好稀好似水咁，入面會食到蘑菇碎
🍒果醬沙冰 雜莓
呢款好鍾意！ 隻雜莓味係好啱一般人口味，生果味個種甜而唔係糖水個種甜，而且入面有好多果渣，絕對係用好多莓整出嚟👍🏿
🌹果醬奶昔 玫瑰蘋果
感覺上呢款個玫瑰味會出過個蘋果，個花嘅味道唔會只係聞先有，係會好濃烈連味覺都會感受到
🍓士多啤梨果醬燒豬肋骨 半份
一開始諗住叫一份，但店員提醒我一份嘅話就會係兩條長過手掌嘅豬肋骨，最後轉半份嘅決定係無錯嘅🤣
豬肋骨本身已經有調味，但點埋士多啤梨果醬就更加正👍🏿 個果醬就好似濃縮咗好多士多啤梨咁，比較杰同厚身，點嚟食會有好勁嘅士多啤梨味。
肉質部份都煮得稍為腍身，所以容易拆骨同咬開，配埋少少嘅肥膏就perfect😋
🍺Crafted beers
朋友無酒不歡🙄 叫咗呢款係好重麥味嘅手工啤酒，個麥味完全遮蓋住酒精味，喜歡麥味嘅朋友可以一戰
感覺上呢間店舖著重食物質素之餘，亦響應環保、惜食嘅概念，食物比人感覺較健康，而用品例如飲管亦唔係使用膠製嘅，我會推薦呢間比對生活品質有追求嘅人～
張貼
