JC Room (已結業)

旺角真係太多野食，我唯有跟住我個Friend，旺角地頭蟲，等佢帶我食好西。今日LUNCH佢帶我黎呢間廣華街對住既西餐廳。叫左美國帶骨豬扒配芥未籽忌廉汁配意粉，同JC All Day Breakfast有得揀配沙律或者煙肉豆蓉忌廉湯，我同朋友都揀左湯。湯好Creamy，微微豆蓉味，好特別。JC All Day Breakfast，有大啡菇，薯餅，英式豬肉腸，牛角酥，焗豆，蛋，煙肉, 三文魚，仲有沙律菜等，擺碟賣相都好靚，牛角酥好脆，好有層次，大啡菇好多汁，每樣都做得好好，夾埋好完整。美國帶骨豬扒配芥未籽忌廉汁配意粉，好大塊豬扒，成隻碟咁大，加上好厚肉，肉質好。芥未籽忌廉汁多，配意粉一流。餐飲跟餐，可配茶啡，其它要加錢。