JOMO Kitchen & Health Hub (已搬遷) 新店位置

難得假期相約老朋友敘舊，大約2:30分到達餐廳位置。-餐廳位於海旁，唔近地鐵站但係人流多，如果想坐室內就要取票等候，戶外坐位就可自行選位就坐。當日大概等30分鐘後入座，選餐後自行到付款處付款。-餐廳設計呈長方形，白色簡約風，有半開放式廚房，除咗咖啡蛋糕，亦設有意粉等主食，店員服務一般，唔係特別好。特別之處另設有健身室，但要成為會員先至可以使用。-白咖啡 Flat white $40只限熱飲，唔算大杯，有拉花，冇主動提供匙羹和砂糖。咖啡香而微苦，嗰種苦係容易接受，唔酸，咖啡後勁都好濃，味道正常。-海鹽焦糖蘋果烤酥批 $68友人話唔錯。-整體而言，飲咖啡要取票等入座都係第一次，餐廳屬豪宅近海地區，價格合理但性價比唔高。咖啡店同健身室拼做一齊好奇怪，背後理念應該得老闆先知。