影片
更多
2020-11-23
1381 瀏覽
之前都曾經提過，我哋一班死佬好耐無搞過飯局，尤其依家疫情，就更加唔會搞。所以，久唔久，只會約吓個別嘅死佬嚟聚一聚，講吓近況，呻吓死佬嘅嘢。今晚，人少少就約出嚟尖沙咀食餐飯，選址山林道嘅「Juster」。好彩有訂位，否則就摸門釘，因為，餐廳唔喺好大，目測所見就大概廿個位左右，簡單嘅裝修，但兩邊牆上嘅霓虹燈裝飾，就肯定喺吸晴位，加上播放住輕音樂，感覺都OK。枱與枱嘅距離都好少，隔板都喺「緊緊好」而已，若非疫情，其實都無所謂，但就未必個個感安心。我哋被安排坐晌窗邊位，較自成一角，相隔其他枱亦多少少距離。而每張枱都備有消毒搓手液，睇得出餐廳都算盡量做。餐牌上嘅菜式名稱都玩味十足，唔明睇睇英文翻譯，都唔明就真喺要請教吓店員。簡單嚟講，菜式類別分為小食、主菜、飲品、雞尾酒共4頁紙而已，走貴精不貴多嘅路線。星爆氣流斬改EX $45死佬揀咗呢一款特飲，夠霸氣喎，其實，睇中文名，抑或英文名，都估佢唔到，問問店員，喺類似雜果濱治，所以，佢先大膽一試。賣相都幾爆，飲落又真喺OK喎，就算溝勻埋啲忌廉，亦唔會覺得怪怪。菠蘿熱情果沙冰 $45小弟就正路少少，唔會亂咁搏，呢一杯沙冰就最啱我，因為菠蘿同熱情果都喺小弟
好彩有訂位，否則就摸門釘，因為，餐廳唔喺好大，目測所見就大概廿個位左右，簡單嘅裝修，但兩邊牆上嘅霓虹燈裝飾，就肯定喺吸晴位，加上播放住輕音樂，感覺都OK。
枱與枱嘅距離都好少，隔板都喺「緊緊好」而已，若非疫情，其實都無所謂，但就未必個個感安心。我哋被安排坐晌窗邊位，較自成一角，相隔其他枱亦多少少距離。而每張枱都備有消毒搓手液，睇得出餐廳都算盡量做。
餐牌上嘅菜式名稱都玩味十足，唔明睇睇英文翻譯，都唔明就真喺要請教吓店員。簡單嚟講，菜式類別分為小食、主菜、飲品、雞尾酒共4頁紙而已，走貴精不貴多嘅路線。
星爆氣流斬改EX $45死佬揀咗呢一款特飲，夠霸氣喎，其實，睇中文名，抑或英文名，都估佢唔到，問問店員，喺類似雜果濱治，所以，佢先大膽一試。賣相都幾爆，飲落又真喺OK喎，就算溝勻埋啲忌廉，亦唔會覺得怪怪。
菠蘿熱情果沙冰 $45小弟就正路少少，唔會亂咁搏，呢一杯沙冰就最啱我，因為菠蘿同熱情果都喺小弟喜愛嘅食材。沙冰入口涼透心就唔使多講，菠蘿及熱情果味都好平衡，酸酸甜甜，好配合一陣所食嘅小食。
菠蘿熱情果沙冰
$45
9 瀏覽
0 讚好
0 留言
個名擺明有反諷意味，而點之前都知喺類似酥炸嘅菜式，估唔到比預期份量多，入口唔油，外層嘅脆漿都薄，八爪魚好有咬口，喺配普通沙律醬呢部份少咗特色而已。食落，其實感覺幾似平時晌茶樓食點心時嘅酥炸魷魚鬚。
垃圾八爪魚
$48
37 瀏覽
1 讚好
0 留言
另一款小食都喺炸嘢，其實，有別以往食過嘅水牛城雞翼，因為大多數都喺醃到入味拎去焗，但呢度嘅就沾粉漿炸好再淋上醬汁，有點點辣勁嘅醬汁喺靈魂，辣得嚟唔嗆喉，又唔會辣到死，點到即止，好惹味，算唔錯。
英國國菜1997 $107其實即喺炸魚薯條，今晚真喺炸嘢狂熱，表面睇到嘅炸魚好大條，查實底下仲有一小嚿，加埋啲薯條，真喺好足秤。啲魚柳唔止炸得又脆又香口，肉質好嫩滑，亦唔油膩，試咗幾味炸嘢，都睇到師傅炸功真喺有一手。
英國國菜1997
$107
14 瀏覽
0 讚好
0 留言
焗多汁豬仔骨配薯條 $128大家都喺麻甩佬，都喺鍾意食肉，所以，點一客豬仔骨喺走唔甩。配埋薯條，同樣，份量好足。豬仔骨燒得有點碳火香嘅感覺，肉質好軟腍，個秘製BBQ醬勁惹味。順帶一提，佢哋嘅薯條都炸得好食，香脆有薯仔味。
焗多汁豬仔骨配薯條
$128
4 瀏覽
0 讚好
0 留言
多汁淫蝦 $135個菜名好似有啲不雅，其實即喺波士頓龍蝦，只賣百零蚊隻，抵喎，隻龍蝦上到枱就知無將貨就價，大隻得好有睇頭。製法只以簡單嘅烤焗，所以，食出龍蝦肉本身嘅鮮甜味，肉質好爽口，大啖大啖蝦肉入口，食得夠晒爽。而且，蝦頭有唔少蝦膏，讚！
多汁淫蝦
$135
19 瀏覽
0 讚好
0 留言
整體嚟講，餐廳嘅氣氛唔錯，做菜有水準，雖然只有一個店員，但招呼都快手快腳，亦好有禮，只喺地方所限，環境喺窄咗啲，喺晌疫情下先有啲戒心，基本上一切都好OK！
張貼
