Just Eat (已結業)

今日為左去中環donki朝聖而走左轉港島區，順路搵食，就揀左西營盤站附近嘅Just Eat。餐廳外一片空地好空曠好舒服。之前爬過文，見到呢度嘅越南湯河幾吸引，於是就order左呢碗濃味牛湯浸手切牛肉河（$78），加牛丸（$24），先呷一啖湯，牛味濃郁；之後加檸檬及辣椒粒，口味又去左另一個層次。蒜香牛油雞翼（$36）：蒜蓉、牛油味都幾突出。香茅串燒牛（$40）：牛肉夠入味夠惹味。飲品方面，叫咗一杯越式凍檸茶（$26）及原個椰青（$42）；前者有驚喜，茶味有清香。