意粉屋 (已結業)

唔記得有幾多年冇去食過意粉屋了，今日好想食意粉，所以專門來試試呢間餐廳有冇唔同咗。呢間分店喺新城市廣場的地下食肆果层，本身位置較偏，但鋪位大，所以落到去都好易搵。四個人叫咗個二人餐，另两個套都係單點。點完都等咗十幾二十分鐘先有main course上。個薄批仲耐，等到其他餐都食完都仲未上。侍應話因爲焗爐細，一次焗唔到太多，所以耗時。但我哋覺得似漏單⋯⋯因爲餐後點咗餐飲也是三催四請先來到。餐廳本身限制用餐時間唔可以超過90分鐘，好彩我哋食得快，如果唔係都唔够時間食。我自己叫咗牛肋條阔麵，牛肋條唔够腍，阔麵麵身尚算幾滑。薄批芝士好多，批邊都幾脆。熱咖啡好香烘培豆味，唔會太澀，所以可以唔使落糖。買單613蚊，價格都差不多，只是服務和出品都十分一般，意粉屋冇乜意粉可揀，有些名不符實。