影片
更多
2018-02-09
22 瀏覽
夜媽媽，凍冰冰，兩個人都唔知食咩好，見到呢個牌閃下閃下，再望望，原來呢間餐廳是食串燒。嗯，就食串燒啦。坐入去，餐廳原來播緊韓國勁歌MTV。韓國嘅MTV製作不嬲都好過香港嗰啲多多聲㗎啦，今晚一於一路嘆串燒一路睇K-POP，好正呀!最初唔知呢間餐廳啲水準得唔得，所以先嚟第一個round，少少哋試下先。【炭燒司華力腸】用少少椰菜絲墊住，好似無咁熱氣。一條司華力腸，可以切開5大舊，加咗少少辣，醒胃。【特大蒲燒鰻魚】Size 真係特大級。喺一田買條細嘅雪藏鰻魚都要 $68啦，依家燒到香噴噴送到面前都只係$88乍，抵食啦。切開成10大件。食落入口即溶，啲鰻魚汁又惹味。【煙肉芝士燒烤菇】呢個烤菇幾特別。燒香咗隻大菇之後，再將啲芝士同煙肉碎放上面，然後再燒溶啲芝士，個樣好似葡撻咁。切開之後，芝士湧晒出嚟。食落又幾好味喎。見第一round 嘅嘢食都唔錯，就放心再叫多啲嘢食，繼續享受K-POP MTV。【燒大魷魚筒】、【蒜蓉澳洲茄子】比較上，魷魚筒就遜色咗啲，無咩味道，要加些辣粉吊吊味。個茄子就完全唔同，燒熟咗個茄子上面有大量香蒜同埋粉絲，口感豐富，味道唔錯。【串燒大拼盤】呢個大拼盤其實係自選的。我哋一次
坐入去，餐廳原來播緊韓國勁歌MTV。韓國嘅MTV製作不嬲都好過香港嗰啲多多聲㗎啦，今晚一於一路嘆串燒一路睇K-POP，好正呀!
最初唔知呢間餐廳啲水準得唔得，所以先嚟第一個round，少少哋試下先。
【炭燒司華力腸】
用少少椰菜絲墊住，好似無咁熱氣。
一條司華力腸，可以切開5大舊，加咗少少辣，醒胃。
【特大蒲燒鰻魚】
Size 真係特大級。喺一田買條細嘅雪藏鰻魚都要 $68啦，依家燒到香噴噴送到面前都只係$88乍，抵食啦。
切開成10大件。食落入口即溶，啲鰻魚汁又惹味。
【煙肉芝士燒烤菇】
呢個烤菇幾特別。燒香咗隻大菇之後，再將啲芝士同煙肉碎放上面，然後再燒溶啲芝士，個樣好似葡撻咁。
切開之後，芝士湧晒出嚟。食落又幾好味喎。
見第一round 嘅嘢食都唔錯，就放心再叫多啲嘢食，繼續享受K-POP MTV。
【燒大魷魚筒】、【蒜蓉澳洲茄子】
比較上，魷魚筒就遜色咗啲，無咩味道，要加些辣粉吊吊味。個茄子就完全唔同，燒熟咗個茄子上面有大量香蒜同埋粉絲，口感豐富，味道唔錯。
【串燒大拼盤】
呢個大拼盤其實係自選的。我哋一次過叫多8款嘢食，廚房就將佢哋以拼盤形式來上，有啲震撼。
有韓式豬五花腩、孜然羊串、北海道墨汁豚肉腸、鹽燒多春魚、珍寶松葉蟹棒、燒墨魚串、燒蘆筍串和燒香草羊架。我哋要求加辣，所以樣樣都燒得好好味，尤其是燒半架，一啲都唔羶，醃得又夠味。
飲住啤酒，睇埋MTV，咁就嘆咗成個夜晚。
張貼
