花香 (已結業)

裝修同環境都十分吸精同少女風，食物賣相都係一流，無可否認係打卡必去既地方❣️不過食物同飲品的確令人有點失望，可能賣相太吸引，期望值較高。膠原滿滿熔岩飯賣相有特色，就好似熔岩爆發既樣，佢係由西班牙黑毛豬滷肉再加桃膠整成，加入桃膠煮成既滷肉飯幾特別，可以滋補一下，整體味道不過不失。炸排骨拉絲蛋餅上菜既時候的確令我大為驚訝，估唔到係大大塊排骨夾係入面，賣相好吸引🤩排骨食落鬆軟唔會好鞋，不過炸得唔夠香脆，中間夾住好多芝士如同名一樣拉到絲😋味道正常水準。紫薯蛋餅配鮮奶麻糬（黑糖漿）食落有啲失望，可能三樣野加埋唔係太夾，本身我係好中意食麻糬，但我中意煙韌個隻，佢係偏入口即溶好淋個texture，奶味唔算好濃。蛋餅表面偏硬，唔太鬆化食落，可能凍左食既關係，甜食有啲奇怪，個人都係中意咸食多啲。竹炭雲石拿鐵（水泥咖啡）黑卒卒外表令我好好奇個味道，飲落好苦，溝埋奶之後都係偏苦，有少許咖啡味，聽聞竹炭係可以排毒的🤨但我覺得唔好飲😅髒髒抹茶拿鐵賣相好吸引，有好多好多抹茶粉😍抹茶控一定俾佢吸引到，飲落成口都係粉要攪勻先好d，抹茶味好夠濃，但奶味唔係好香，飲落一般般。玫瑰咖啡配懸浮棉花糖三杯入面最正常最好飲既一杯😂