Kani (已結業)

今日上咗去Kani食lunch, 叫咗一個，西冷扒配天婦羅同雜錦刺身三文魚飯，另外跟埋番茄忌廉湯，仲叫咗杯凍檸水同凍檸蜜。食得出個雜錦刺身同西冷扒用料非常新鮮，唔係一般收貴價但俾普通食材的餐廳。不過分量太少，而且味道一般，扒汁味更淡，蕃茄忌廉湯有啲酸但味道濃郁。不過最差就係杯飲品啦，一啲都唔甜，淡淡地好似冇落糖咁。至於店舖方面我就覺得環境真係舒適，空間感大，裝修時尚，服務好。今次兩個人連加一大約食咗$270, 平均每人$135，價錢都幾貴，但食物味道就真係一般啦！