影片
更多
2011-01-31
23 瀏覽
今日(31-1-2011 Mon)開始放假,同男友起身後一齊落荃灣食o野,因我又要買餸同為大年初一訂定芋頭魚.又去邊間食好呢?不如呢間啦,好耐冇o黎.入到去只剩返窄身卡位,照坐啦.睇睇午餐,我揀$34.00o既蜜桃忌廉龍脷,要薯菜,飲忌廉湯同加$2.00要凍奶茶.男友要$34.00o既支竹火腩飯,要中湯同加$2.00要凍檸茶.一會,所有飲品先到,男友o既大大碗中湯係蓮藕豬骨湯,我開磺冇飲到,到最後佢差唔多飲晒時我至問佢有冇鱆魚,好唔好飲?佢答OK好飲,不過冇鱆魚,我就試吓,味道都OK,但原來有綠豆,亦難得綠豆殼已經腍晒,唔差o既.我o既忌廉湯冇乜料,只有粟米粒,佢杰杰地亦尚算好味.然後我飲啖奶茶,同尋日o係香港仔魚蛋飲o既差唔多,同樣飲到奶同茶味,都唔錯.男友o既支竹火腩飯到o黎,佢飯餸分開上,但張枱實在太細,男友就即刻將啲餸放o係飯上,呢個我冇試亦冇興趣試.之後我o既蜜桃忌廉龍脷配薯菜到o黎,感覺到薯角好熱,果然係熱辣辣,醮啲甜甜地o既忌廉汁食,好夾好味,男友都話好食.龍脷柳唔鯹亦重係滑滑地,不過原來有件火腿o係底,件鹹火腿夾啲汁食就麻麻喇.總括而言都唔太差,不過平啲會好啲.而味道評
又去邊間食好呢?不如呢間啦,好耐冇o黎.入到去只剩返窄身卡位,照坐啦.
睇睇午餐,我揀$34.00o既蜜桃忌廉龍脷,要薯菜,飲忌廉湯同加$2.00要凍奶茶.男友要$34.00o既支竹火腩飯,要中湯同加$2.00要凍檸茶.
一會,所有飲品
先到,男友o既大大碗中湯係蓮藕豬骨湯,
我開磺冇飲到,到最後佢差唔多飲晒時我至問佢有冇鱆魚,好唔好飲?佢答OK好飲,不過冇鱆魚,我就試吓,味道都OK,但原來有綠豆,亦難得綠豆殼已經腍晒,唔差o既.我o既忌廉湯
冇乜料,只有粟米粒,佢杰杰地亦尚算好味.然後我飲啖奶茶,同尋日o係香港仔魚蛋飲o既差唔多,同樣飲到奶同茶味,都唔錯.
男友o既支竹火腩飯到o黎,佢飯
餸
分開上,但張枱實在太細,男友就即刻將啲餸放o係飯上,
呢個我冇試亦冇興趣試.之後我o既蜜桃忌廉龍脷配薯菜
到o黎,感覺到薯角好熱,果然係熱辣辣,醮啲甜甜地o既忌廉汁食,好夾好味,男友都話好食.龍脷柳唔鯹亦重係滑滑地,不過原來有件火腿
o係底,件鹹火腿夾啲汁食就麻麻喇.總括而言都唔太差,不過平啲會好啲.而味道評分係冇計男友o既飯同檸茶.
而男友早前已經發現呢間又係翠華o既,唉!翠華真係攏斷晒港式茶餐廳行業?
張貼
