茶木‧台式休閒餐廳 (已結業)

茶木唔係第一次食，但元朗呢間係第一次，晚餐時間照慣例要排隊，不過傾住計等又唔算等好耐。有set dinner可以揀，不過因為鍾意食茶木嘅手工意粉，諗左陣都係決定散叫。先上一份牛油果大蝦沙律，份量頗多，而且材料新鮮，跟沙津上嘅醬汁唔太知係咩，不過酸酸地幾開胃，同沙津幾夾。主食叫左香料雞肉蝴蝶粉，一直好鍾意荼木嘅手工意粉，今次食嘅蝴蝶粉同樣keep到水準，雞肉嫩滑入味，蝴蝶粉軟硬適中，醬汁香濃又creamy， 加上蘑菇減少油膩感，夾埋一齊食好正另外叫左香辣牛肉麵，手工麵口感彈牙，牛肉十分足料又厚身，嫩滑得黎幾入味，配料蘿蔔一樣入味。只係牛肉麵比想像中更辣，唔食得辣嘅朋友建議點紅燒牛肉麵。最後係每次都點嘅芒果蜜糖磚塊，飽的七七八八都抵唔住甜品誘惑。三層多士加上雪糕、忌廉和鮮芒果，外觀都已經夠吸引。中間嘅蜜糖多士好香脆，單食或者加埋雪糕一齊食都好味，而且唔會因為過甜而蓋過左唔同材料嘅味道，水準真係唔錯!食左咁多次唔同分店嘅茶木，水準都一直保持得唔錯，而且價錢唔太貴，所以同朋友食飯都經常約茶木，希望水準可以一直保持