深仔記 (已結業)

深仔記一直係我嘅最愛，好耐冇食，所以同朋友一齊試吓究竟有冇退步到時間尚早，但係都已經坐滿左唔少人，裝修以懷舊嘅港式風味作主題，零舍有feel餐牌一如以往有好多款麵食，而且價錢平民化叫咗椰青水，係if呢個牌子，有質素保證，味道鮮甜清新朋友仔叫咗黑柏葉同埋南乳豬手撈河粉，黑柏葉同一般牛柏葉嘅味道分別不大，只不過顏色係黑色，口感爽口新鮮。而南乳豬手既味道濃郁，好重南乳味，豬手煮得好腍，好正。河粉就煮得啱啱好。而我就叫咗雲吞牛腩撈麵，份量都幾大，牛腩係柱候牛腩，味道濃郁，而且肉質好腍。而雲吞就皮薄餡靚，鮮蝦爽口彈牙。撈麵配埋腩汁，食物好惹味。腐乳通菜，通菜煮得啱啱好，非常爽口，配腐乳，味道好夾另外分別叫咗炸水餃同炸雲吞，炸得非常香脆。水餃好飽滿，非常足料，啖啖肉。而雲吞都做得唔錯，好多蝦喺裏面。而且識落唔會覺得油膩，點埋甜甜地嘅沙律醬，味道好夾。整體來講，味道同埋價錢都唔錯，一樣keep到以前食開嘅水準👍🏻👍🏻👍🏻