雅苑座

親戚由澳洲番香港渡假，今次下塌帝苑酒店，幫佢地洗塵就近近地揀在酒店的自助餐。食物 - 海鮮，魚生壽司，燒牛肉，串燒，燒味，海南雞飯，湯粉面，冷熱盤，當然唔少得佢餅房出名的蛋糕和蝴蝶酥等等。。。種類真心多，質素亦唔錯，例如龍蝦肉質彈牙唔會"林姐姐‘’；每人贈送的鮑魚花膠亦煮得入味；環境 - 今日雖然係星期日晚，但目測幾乎滿座，枱與枱之間比較密，亦相對比較嘈；服務 - 服務員好勤力甘收碗碟，態度都好好，我地差不多係最後果幾枱離開都唔見佢地走黎‘催’。對上一次惠顧，應該係1年多前的事，整體我覺得佢仍舊保持到水準，算是幾唔錯。