查理布朗咖啡專門店 (已結業)

呢間餐廳一年前已經食過一次，上之見個menu介紹個snoopy肉醬飯係有成隻立體snoopy訓左係度於是試下，個時已經覺得味道唔錯價錢亦係可接受範圍內，今日同朋友再去，發現價錢無特別加， 飯同意粉都係$100~120左右，最後叫左一個意粉，一個小食拼盤，一個朱古力mousse，個意粉落枱個時睇落好似份量唔係好大，不過因為個汁比較creamy，如果女仔一個人食晒都幾飽，個小食拼盤幾大份，雖然全部係炸野不過唔算油膩，$128算抵，慢慢傾下食下，食左差唔多一個半鐘，於是我地就叫佢可以上埋個甜品，個朱古力mousee有得外賣，堂食就$51，外賣就$46，但係完全一樣，個$5當係服務費都算差唔多，始終要俾張枱你地慢慢坐又要員工斟水，成餐lunch食左差唔多3個鐘，過程完全無吹枱，會咁上下睇下我地需唔需要加水，過程中見到員工出餐前會check下先出俾客，有時見到唔夠好會即刻轉返入廚房叫師傅跟進返，服務態度好而貼心，最後都係食左$304，尖沙咀區呢個區域呢個價錢做到呢個服務真係唔錯，絕對會考慮再食~