豚王 (V Point)

營業中

休息中

豚王，香港人都聽過既一間拉麵店，都可以話帶起食拉麵熱既始祖。早係中環，銅鑼灣原店己食過好多次，今次久別重逢，試下新裝修銅鑼灣店。新店比原店 modern 同大左好多, 少左日本拉麵店特色，好可能因為商業原因。Menu 跟以前差唔多，今次食左地“限定”（其實只不過係豬骨湯加肥豬肉，芽菜，白菜，同佢地set嘅麵同湯，所以無得選擇 “個人口味” 。)湯底都幾鮮幾濃味，肥豬肉入口即溶，幼麵硬度中等，菜份量都幾多。我地加左一塊紫菜，加上係湯面上蒜蓉，味道非常好。雖然久違一段時間，豚王水準都keep住，幾好！不過不得不提商業化左，無左以前好迫好窄食麵feel。加上無左以前係枱上任加嘅超辣芽菜，感覺上有D失去原來特色同風味。我以前都寫過日本拉麵，香港有數以佰計拉麵店，一定要keep到水準，客先會繼續來幫襯。希望豚王唔好因為商業因數而再失去而家仲keep到嘅水準。