影片
更多
2018-04-07
49 瀏覽
星期五放工之後周圍都好多人，要坐低搵一間餐廳食飯都唔係一件容易嘅事。二想到朗豪坊嘅10樓，比較高嘅位置，人流相對地比較少。遠處望到一間黃色嘅餐廳，細看之下，原來係著名眼鏡連鎖店EGG聯乘嘅一間Cafe。小店好多笑哈哈嘅公仔，彷彿成為令我入去的吸引力一樣。果然香港人都真係缺少咗好多快樂嘅原因。呢個價錢來講，係得朗豪坊都算係抵食。男朋友叫咗一個晚餐，包咗湯飲品和甜品。肉眼扒相當有驚喜，切開仍有血水滲出黎，係我最鍾意嘅五成熟。塊扒唔會係全熟，搞到好硬。不過肉眼扒依然都有唔少筋，有一啲邊位都好難咬，一點有少少扣分。而我就叫咗一個煙三文魚番茄意粉，意粉採用左加埋扁身嗰一款，煮得好彈牙，而且煙三文魚嘅份量都好多。加上三色椒，讓顏色有營養。另外叫多一杯Cafe出名嘅雲朵系列，即係上面有咗新鮮做起嘅棉花糖，經過飲品嘅熱力能夠將棉花糖溶化，成個過程就好似一朵雲落起雨上嚟一樣。係咖啡同鮮奶中間取捨左咖啡，相信紫薯鮮奶飲完之後有助睡眠。而招牌小食拼盤，都係小店值得推薦嘅。＄100都唔使已經有左幾樣小食，包括炸薯條、炸芝士條、雞翼、炸馬介休球，應我就覺得馬介休球最特別，裏面包住薯蓉，香草和魚，唔會有好多魚腥味
星期五放工之後周圍都好多人，要坐低搵一間餐廳食飯都唔係一件容易嘅事。二想到朗豪坊嘅10樓，比較高嘅位置，人流相對地比較少。遠處望到一間黃色嘅餐廳，細看之下，原來係著名眼鏡連鎖店EGG聯乘嘅一間Cafe。小店好多笑哈哈嘅公仔，彷彿成為令我入去的吸引力一樣。果然香港人都真係缺少咗好多快樂嘅原因。
呢個價錢來講，係得朗豪坊都算係抵食。男朋友叫咗一個晚餐，包咗湯飲品和甜品。
肉眼扒相當有驚喜，切開仍有血水滲出黎，係我最鍾意嘅五成熟。塊扒唔會係全熟，搞到好硬。不過肉眼扒依然都有唔少筋，有一啲邊位都好難咬，一點有少少扣分。
而我就叫咗一個煙三文魚番茄意粉，意粉採用左加埋扁身嗰一款，煮得好彈牙，而且煙三文魚嘅份量都好多。加上三色椒，讓顏色有營養。
另外叫多一杯Cafe出名嘅雲朵系列，即係上面有咗新鮮做起嘅棉花糖，經過飲品嘅熱力能夠將棉花糖溶化，成個過程就好似一朵雲落起雨上嚟一樣。係咖啡同鮮奶中間取捨左咖啡，相信紫薯鮮奶飲完之後有助睡眠。
而招牌小食拼盤，都係小店值得推薦嘅。＄100都唔使已經有左幾樣小食，包括炸薯條、炸芝士條、雞翼、炸馬介休球，應我就覺得馬介休球最特別，裏面包住薯蓉，香草和魚，唔會有好多魚腥味，係外邊的cafe的確比較少見。
最後整多個伯爵茶焦糖布甸，成為我哋今日嘅完結。
總括來講，呢一個都係一個十分愉快嘅用餐經驗。Cafe嘅店員都好有禮貌！讚！而且小店入邊除咗餐具之外，裝修都係充滿着好多笑哈哈的公仔，真係見到都開心！而且，好似隨地都提醒着你要笑一樣。呢間cafe絕對係工作以外，一個抒援壓力嘅地方。 放鬆下啦，香港人！
張貼
