影片
更多
2024-06-18
83 瀏覽
肯德基KFC📍天水圍天恩路12-18號+WOO嘉湖二期1樓125-126號舖無論返工定返學，食早餐都係必須嘅，因為咁樣大家先有動力做嘢、上堂、以好心情面對每一日！我自己非常重視早餐，每朝都買份早餐返工嘆。知道香港人講求效率，食嘢要夠快、夠飽、夠好食、夠抵⋯⋯要達到上面各種要求，真係並非易事，不過請放心，我最近發掘到「肯」抵食嘅早餐選擇，大家不妨參考下！KFC喺月中推出有多款包類嘅「肯！快脆」早餐同逢星期一至五供應嘅「平日肯抵DEAL」早餐，迎合大家嘅早餐需要。我喺過往呢個星期，就已經同同事幫襯咗幾次，最平嘅選擇都只係$22，食得滿足之餘又經濟，真係「肯」抵呀！ 💰$22 G2肯抵香脆薯餅蛋包餐 🍔Harsh Brown & Egg Burger「平日肯抵DEAL」早餐系列提供5款套餐，分別有4款包類同1款脆卷，各個套餐均配一杯香滑熱奶茶，價錢都只係$22同$27不等，簡直就係打工仔同學生哥嘅福音！其實KFC除咗炸雞、燒雞好食之外，薯餅都同樣滋味！一大朝早如果唔想食咁多肉，都可以考慮呢個包餐㗎。香脆薯餅蛋包餐嘅麵包鬆鬆軟軟，芝麻香氣四溢，中間夾住香甜軟滑嘅厚焗蛋同金黃酥脆嘅薯餅，塗上一層
📍天水圍天恩路12-18號+WOO嘉湖二期1樓125-126號舖
無論返工定返學，食早餐都係必須嘅，因為咁樣大家先有動力做嘢、上堂、以好心情面對每一日！我自己非常重視早餐，每朝都買份早餐返工嘆。知道香港人講求效率，食嘢要夠快、夠飽、夠好食、夠抵⋯⋯要達到上面各種要求，真係並非易事，不過請放心，我最近發掘到「肯」抵食嘅早餐選擇，大家不妨參考下！
KFC喺月中推出有多款包類嘅「肯！快脆」早餐同逢星期一至五供應嘅「平日肯抵DEAL」早餐，迎合大家嘅早餐需要。我喺過往呢個星期，就已經同同事幫襯咗幾次，最平嘅選擇都只係$22，食得滿足之餘又經濟，真係「肯」抵呀！
[價錢 Price]
💰$22
G2肯抵香脆薯餅蛋包餐 🍔
Harsh Brown & Egg Burger
「平日肯抵DEAL」早餐系列提供5款套餐，分別有4款包類同1款脆卷，各個套餐均配一杯香滑熱奶茶，價錢都只係$22同$27不等，簡直就係打工仔同學生哥嘅福音！
其實KFC除咗炸雞、燒雞好食之外，薯餅都同樣滋味！一大朝早如果唔想食咁多肉，都可以考慮呢個包餐㗎。香脆薯餅蛋包餐嘅麵包鬆鬆軟軟，芝麻香氣四溢，中間夾住香甜軟滑嘅厚焗蛋同金黃酥脆嘅薯餅，塗上一層酸酸甜甜嘅蕃茄醬，多種食材帶嚟豐富嘅層次感同多重口感，正！飲返啖錫蘭紅茶沖製嘅熱奶茶，即刻醒神晒！
咁平就食到咁高質咁、咁豐富嘅早餐，真係唔食就走寶啦！
張貼
