肯德基家鄉雞 (KFC)

營業中

休息中

KFC近年好積極，有好多新攪作。近期仲玩埋爆谷。除咗爆谷雞之外，仲有爆谷雪糕。十幾蚊一杯，平平地，做飯後甜品都唔錯，一於買嚟試吓先。去到KFC，見到仲有朱古力&曲奇味雪糕，賣相吸引，所以我即時轉軚，揀咗朱古力味雪糕，而朋友就揀咗爆谷雪糕。朋友話焦糖爆谷稍甜，但雪糕嘅雲呢拿味就比M記好食，值得一試。朱古力雪糕就味道正常，上面嗰條朱古力脆條好香脆，甜筒食到最底都仲有雪糕，好味。另外值得一讚嘅係服務窩心。服務員會先叫客人埋櫃檯，先至去整雪糕，咁就唔怕客人行開咗攞唔切，而令到雪糕溶掉，服務確實比M記好。