影片
更多
2022-07-11
109 瀏覽
壽司omakase就食得多，串燒omakase都真係第一次食。知道今晚朋友帶我嚟中環呢間新開嘅日式串燒料理店食廚師發辨，超級期待。呢間餐廳裝潢時尚雅緻，開放式吧檯座位，望住廚師烹調過程。特別值得一提餐廳專門食雞肉串燒，並且用上炭爐燒，所以絕對品嚐正宗風味。今次食嘅呢個串燒omakase超級豐富，足足有17道菜式。清雞湯配雞肉丸子第一道上場係呢碗雞清湯，中間放著雞肉丸，整個雞清湯熬足幾個鐘，很濃郁，配菜很精緻，特別喜歡蘿蔔吸取曬雞湯精華。炭燒雞腿肉配山椒粉串燒上場啦！直接就望到師傅用炭爐燒，好有日本橫街串燒小店風味。見到外層雞皮燒至金黃色，咬落去係脆口，雞肉好嫩滑。師傅特別推介要點上特調山椒粉，鮮味更出。炭燒半生熟雞胸肉配烏魚子期待已久嘅前菜，賣相精緻到呢，入面係半生熟雞刺身，師傅只係燒左外層，可以食到兩個層次感，而面層放上了粒粒香醋啫喱和紫蘇花，估唔到兩者係無敵夾，很喜歡。炙燒雞胸配三文魚子紫菜包住炭燒雞雞柳，上面放上三文魚籽和wasabi，十分特別。日式最中餅配雞肝醬下一道繼續係心機之作-花花外型脆餅包住creamy雞肝醬，咬落去外層脆餅，入面個醬好綿滑，仲有粒粒南瓜籽，好似食緊甜品
今次食嘅呢個串燒omakase超級豐富，足足有17道菜式。
清雞湯配雞肉丸子
第一道上場係呢碗雞清湯，中間放著雞肉丸，整個雞清湯熬足幾個鐘，很濃郁，配菜很精緻，特別喜歡蘿蔔吸取曬雞湯精華。
炭燒雞腿肉配山椒粉串燒上場啦！直接就望到師傅用炭爐燒，好有日本橫街串燒小店風味。見到外層雞皮燒至金黃色，咬落去係脆口，雞肉好嫩滑。師傅特別推介要點上特調山椒粉，鮮味更出。
炭燒半生熟雞胸肉配烏魚子期待已久嘅前菜，賣相精緻到呢，入面係半生熟雞刺身，師傅只係燒左外層，可以食到兩個層次感，而面層放上了粒粒香醋啫喱和紫蘇花，估唔到兩者係無敵夾，很喜歡。
炙燒雞胸配三文魚子
紫菜包住炭燒雞雞柳，上面放上三文魚籽和wasabi，十分特別。
日式最中餅配雞肝醬下一道繼續係心機之作-花花外型脆餅包住creamy雞肝醬，咬落去外層脆餅，入面個醬好綿滑，仲有粒粒南瓜籽，好似食緊甜品。
炭燒雞頸話明係全雞宴，一定會有內臟部分，今次有燒雞肝和雞頸部份，第一次食雞頸，質地爽口，燒到好juicy啊。
炭燒雞尾
第一次食雞尾 感覺好特別
好似食緊脂肪但又唔係脂肪
慢煮雞冠配上蟹肉
第一次食雞冠，經過慢煮後雞冠質地係有小小似螺頭嘅質地，配上蟹肉，秋葵等煮成汁物，好特別。超級矜貴嘅一道菜式，充滿心機。
炭燒艾草麵筋、芝麻麵筋配味噌醬
麵筋口感似燒年糕，煙煙硬硬。好喜歡芝麻口味。
梅子柚子沙冰中場休息，安排了細細杯梅子柚子沙冰，清一清口，清新鮮甜。
炭燒免治雞肉軟骨串配蛋黃
下一道有月見雞肉棒，配上勁大蘭王蛋黃汁，好鍾意雞肉棒質地。一定要蘸上蛋黃汁更好味。
炭燒雞心配薑蔥醬炭爐燒嘅風味真係特別與眾不同，師傅完全掌握燒每個部位嘅時間，燒雞心好爽口，
外層juicy到呢，記得唔好曬之前蛋汁，點黎食又唔同感覺。
炭燒翠玉瓜配芝士燒野菜都咁有心思，師傅更係你面前幫你講磨芝士絲，充滿特色。
炭燒無骨雞翼燒原隻雞翼，火候掌握得剛好，雞肉皮燒到好香口，超級喜歡。
炭燒雞腿肉
雞腿肉加上少少山椒醬，滑得黎又有層次
雞白湯拉麵/ 黑松露免治雞肉飯
主食方面本身係跟了一客雞白湯拉麵，如果轉黑松露雞肉蛋飯就可以額外加$100品嚐。
今次我和友人各自點了一客share。
雞白湯拉麵湯底好濃郁令到幼麵條好掛湯。而黑松露免治雞肉飯，散發濃濃黑松露香味，拌混蛋黃一起後更好食啊，各有千秋。
甜品好唔捨得地嚟到甜品部份，終極一道我真的很喜歡，一次過試到wasabi味雪糕和雞蛋布甸。呢個甜品無得輸，wasabi雪糕味道辣辣地真係好爽，估唔到wasabi做成雪糕都可以咁好味。而雞蛋布甸好滑溜，甜甜的作結。
總括而言 第一次食串燒omakase$1000/位，一個價錢食到咁多款特色菜式和串燒超級滿意，大家一定要嚟體驗下。
張貼
