影片
更多
2023-05-14
1764 瀏覽
Thai Market屬於King Parrot集團，位於元朗洪水橋段，獨立平房大屋配合充滿泰式度假風情嘅裝潢，仲有live band演唱，真係好似去咗泰國🇹🇭🥹 餐廳主打泰國菜，有單點菜式，亦都有自助餐😍 適逢母親節，一於去食餐好嘅!! 自助午餐/晚餐有超過50款美食，由頭盤、沙律、小食、湯、海鮮凍盤、主菜、甜品應有盡有😍 就等我介紹一下有咩好嘢食啦!! 策略性地食自助餐第一步係沙律同生果🥗 沙律 bar好多選擇，除咗有煙三文魚沙律，鴨胸沙律，仲有好幾款水果沙律，夠曬清新。另一個corner主打泰式沙律，有泰式青木瓜沙律，泰式生菜包，無骨鳳爪等等，啱晒鐘意食辣嘅朋友😋 附近仲有雜錦芝士拼盤，西泰fusion食物選擇超多!! 凍盤方面有凍蝦，黃金翡翠螺，紐西蘭藍青口，仲有必食嘅長腳蟹🦀 食到10隻8隻都番本啦😏 海鮮凍盤fill得好快，完全唔使擔心俾人拎曬就無得食，可以慢慢拆蝦拆蟹🤣 仲有三文魚，八爪魚，吞拿魚刺身，一定要留肚食呀!! 熱盤方面我最欣賞佢嘅黃咖哩配印度煎餅，完全係泰國嘅味道，令我十分掛住泰國🥹 香濃咖哩汁入面仲有蔬菜，增加鮮甜度，配上脆卜卜嘅印度煎餅真係絕配!! 雖然食
自助午餐/晚餐有超過50款美食，由頭盤、沙律、小食、湯、海鮮凍盤、主菜、甜品應有盡有😍 就等我介紹一下有咩好嘢食啦!!
策略性地食自助餐第一步係沙律同生果🥗 沙律 bar好多選擇，除咗有煙三文魚沙律，鴨胸沙律，仲有好幾款水果沙律，夠曬清新。另一個corner主打泰式沙律，有泰式青木瓜沙律，泰式生菜包，無骨鳳爪等等，啱晒鐘意食辣嘅朋友😋 附近仲有雜錦芝士拼盤，西泰fusion食物選擇超多!!
凍盤方面有凍蝦，黃金翡翠螺，紐西蘭藍青口，仲有必食嘅長腳蟹🦀 食到10隻8隻都番本啦😏 海鮮凍盤fill得好快，完全唔使擔心俾人拎曬就無得食，可以慢慢拆蝦拆蟹🤣 仲有三文魚，八爪魚，吞拿魚刺身，一定要留肚食呀!!
熱盤方面我最欣賞佢嘅黃咖哩配印度煎餅，完全係泰國嘅味道，令我十分掛住泰國🥹 香濃咖哩汁入面仲有蔬菜，增加鮮甜度，配上脆卜卜嘅印度煎餅真係絕配!! 雖然食太多煎餅好快滯，但係起碼食咗四、五舊🙊 點黃咖哩實在太好食了!!
肉類都有超多選擇，燒豬仔骨好有驚喜，肥瘦均勻特別係表面微微燒焦，十分惹味，配上酸酸甜甜嘅燒汁，好開胃😍 燒肉部定時仲會有新鮮整起嘅重點美食，包括燒乳豬‼️🐷 香料醃製好夠味，熱辣辣新鮮焗起超級香脆，一咬爆汁滿口油好邪惡😈
去到我最愛嘅甜品，真係要大讚Thai Market嘅芒果糯米飯，好正宗好有泰國當地食到嘅風味🥹 喺香港食到嘅芒果糯米飯唔係芒果太酸，就係飯口感唔好，或者係椰漿過度濃稠🙈 依度嘅糯米有原味白色、綠色、紫色、藍色，我都試曬😎 糯米飯微微暖而且軟綿綿又煙韌，配上脆卜卜嘅綠豆蒜，本身嘅班蘭葉香氣搭上椰漿，鹹鹹甜甜恰到好處👍 另一款新鮮即場整嘅甜品仲有crème brûlée，廚師用火槍燒焦表面糖粉再比客人享用，脆卜卜充滿焦糖香，燉蛋部分夠曬幼滑，好高質😻 仲有仼食movenpick 雪糕，大方放曬喺度仼客人拎!!
自助晚餐食物選擇都算多，仲要每一款都好高質，實在不能盡錄。海南雞飯因為太飽無食到，泰式麵檔(有清湯或船湯湯底)都係不能錯過，最尾整一碗「我的船麵」材料任你揀，放落個碗度廚師就會幫你煮熟!! 今餐真係飽到上心口，大滿足💯
張貼
