碧士文 (東利商業大廈)

營業中

休息中

係上環經過，見到間裝修好靚嘅店，型格風。我開頭以為係coffee shop，見到入面d野係同kingsman相關。睇真D入面好多豬，決定試下😎😎原來係一間豬肉專門店，有各式各樣的豬肉料理🐽內裡位置唔算好多，我見佢外賣單都好多。QR code落單都幾方便，今日揀左個92蚊套餐，有小食，burger同飲品，呢區黎講價錢好合理。南瓜湯好好飲！平時飲嘅比較稀，佢呢個非常足料，明顯係濃好多，應該用左好多南瓜，所以個湯非常甜，推介呢個！主食有好多口味嘅豬扒飯，burger，多士。揀咗佢有手指公嘅豬榴彈，個名夠晒搞笑，其實係雙層手打豬柳芝士漢堡。 唔好以為佢係麥記豬柳，又乾又鹹。食得出係手打豬柳漢堡扒，佢調味適中，打得夠彈性，食落juicy，我揀左法國芥末籽mustard 酸酸地幾開胃。burger其實d野夠新鮮，夠熱已經簡簡單單可以好好食，呢個burger做到。