Hello Kitty 中菜軒 (已結業)

Hello Kitty喺我由細到大都好鐘意嘅卡通人物，宜家有好多以各種各樣為主題嘅餐廳，所以我一直都好想去試下以Hello Kitty為主題嘅野食！！終於皇天不負有心人，俾我搵到啦！！於是今日我就帶住一家大細過嚟飲茶啦~~Hell Kitty臘腸卷，出面喺Kitty外形嘅卷卷蒸包，而入面包住嘅喺兩條超級粗嘅臘腸，臘腸肥豬肉唔算太多，仲可以接受。不過外形咁得意，真係好唔捨得咬落去啊~~HelloKitty土魷玉蝴蝶，個名起得真係好靚，不過就係平時飲茶食開嘅野，感覺無咩特別。Hello Kitty蝦餃皇，蝦餃皮整成Kitty嘅形狀，入面嘅蝦都幾多下，而且啲蝦好爽口彈牙，比較新鮮。而且蝦餃嘅外形真喺好精緻！！台灣紫梅骨。味道酸酸甜甜好開胃。而且排骨肉蒸的好淋，好易入口。再加上獨配嘅醬汁！香酥雞，雞皮非常酥脆，而且雞肉好嫩，雞肉嘅份量比較大，最好新鮮出爐，趁熱食。