祥香茶餐廳 (已結業)

去親茶餐廳都一定會叫常餐，常餐最好就係唔駛點諗入面又係我最鍾意食既野，最喜歡都係食個湯麵加餐包加野飲就大滿足。外面放滿哂岩岩出爐既蛋糕麵包，見到咁靚都已經好想食，入面就係舊式既茶餐廳格局，感覺都幾乾淨唔會好污漕。見到岩岩新鮮出爐即時叫番個《蛋撻》($4)，蛋撻新鮮出爐超熱辣辣，蛋香都幾夠味，不過太鬆脆好易散開哂。去親茶餐廳都會叫既《特餐》($36)，叫左叉燒通粉，叉燒真係勁大塊不過有少少韌，餐包烘起搽上牛油夠軟熟，煎蛋就太過熟喇。去得呢度食野緊係要叫《茶走》，茶味夠又夠香滑，食哂咁多野再飲埋就夠滿足。店名：祥香茶餐廳地址：西環堅尼地城卑路乍街107號餐牌: