KLN Cafe (已結業)

難得去到觀塘見網上啲人幾推介呢間隱世cafe所以就嚟一試地址話就話係熟食市場，但係唔係街市入面亦都唔會污糟，而且地下有標誌教人係邊個位上去，唔難搵的。入到去，間店幾有潮味，以黑色為主調，門口道門就用仿工廠式設計。而呢間店主打「西式」車仔麵，幾有諗頭有特色。個餐牌啲圖用手繪風格幾靚，而且內容幾清晰寫清點餐程序，先揀意粉定飯然後有六個醬汁揀，再揀多兩個配料就完成。意大利飯配白汁、雞肉、蝦仁，個意大利飯本身以為同平時啲西餐廳一樣份量好少，但估唔到佢係成個鑊咁上，都幾大碗，啲飯跟返香港人口味唔會煮太硬，配埋白汁好香口。意粉配白汁、牛柳粒、蜆肉，意粉係扁意粉，而牛柳粒熟度剛好唔會鞋，而蜆肉都幾鮮甜，唔會有陣苦澀味。