KLN Cafe (已結業)

星期五收工諗住係觀塘附近搵間餐廳同同事吹下水食個飯，發現係熟食市場一樓有間食意粉同意大利飯嘅餐廳。價錢好合理又好多選擇，佢嘅意粉同意大利飯可以有好多唔同嘅combination，汁同配料嘅選擇好多，總有一款岩心水。我就簡左店長推介嘅黑松露汁配菇、珍珠帶子嘅意大利飯，花心嘅我仲加多左個蝦做配料。意大利飯一黎到已經聞到黑松露嘅香味，特別嘅地方係佢用一個小煎pan黎做碟，令到個飯無咁快變凍，意大利飯好creamy，軟硬適中亦唔會過鹹，配料嘅蝦同帶子非常彈牙，果然係店長推介！見到可以半價加小食同沙律好抵，所以叫左香橙鴨胸沙律同炸雞翼。沙律個汁係蜂蜜柚子，酸酸甜甜好開胃，炸雞翼炸得好脆好香口，睇落淡黃色嘅沙律醬竟然係辣嘅，原來係加左辣椒仔嘅沙律醬，令到個雞翼好惹味！飲品都有得半價，叫埋呢個荔枝碟豆花特飲試下，淡淡嘅荔枝味，飲落唔會太甜，重點係好靚好夢幻嘅顏色！依間餐廳雖然係熟食市場，但係係有冷氣架，唔會食到身水身汗，裏面嘅裝修同擺設完全唔覺得係熟食市場，仲有電視睇，呢間性價比咁高嘅餐廳下次可以去！