KOI Thé (已結業)

食完下午茶有啲口渴，經過舖頭見到無人排隊，即刻去買。有時都好猶疑買中杯定係大杯好，大杯同中杯只係相差4蚊。不過算啦，成日飲都好肥吓。依家用多咗支付寶，而依間舖有有得用，可以順便用埋Alipay 入面啲 Coupon，真係好方便又抵。下午四點唔多人排隊。今次係第一次唔洗等，調茶師搞掂，2分鐘度就攞到，走得。叫咗紅茶瑪琦朵，係依間舖嘅 Signature Drink。奶味好香滑，應該有用少少芝士冲開，入口輕微帶有芝士嘅咸香味。