Goobne Chicken (荃新天地)

營業中

休息中

韓國菜食厭咗炸雞同烤肉, goobne都係一個唔錯既選擇, 野食多元化啲😋 蜜糖咖哩烤雞 $195一睇到menu已經target咗佢, 蜜糖咖哩呢個組合好吸引! 首先真係好大碟, 應該3-4個人先會食得曬。因為係烤雞唔係炸雞, 無咁熱氣而且無咁油膩, 不過外層依然香脆, 內層雞肉本身仲係嫩滑多汁。加上滿滿既蜜糖, 甜度適中, 香甜好味。咖哩汁係另上既, 覺得加咗咖哩汁個味道會濃味啲，更有層次。鐵板芝士泡菜炒飯 $128應該係新出既食物, 炒飯入面有泡菜, 餐肉同雞蛋, 好惹味, 加上芝士既鹹香, 配搭得好夾, 每一啖都有芝士, 但都唔覺得膩, 好好味。韓式炒粉絲雞蛋捲 $148雞蛋捲都係好大碟, 蛋捲入面包咗粉絲同其他材料例如蘿蔔, 青瓜, 餐肉, 口感好豐富, 而且包粉絲係好特別, 比較少見, 飽肚感會低啲。蛋夠厚身, 但係一啲都唔老, 煎得好好。個醬都係重點, 有少少辣味, 件蛋捲點完個味道好夾, 明顯地更加好味。