滾餃

營業中

休息中

我地一行二人6點半就去到叫野食。去到7點半已經9成滿座。入座率好高。 叫左檸檬紅茶同自家製支裝奶茶。茶濃奶滑香濃。茶底比外面濃厚與奶比例剛好。奶好香好厚。又唔會太甜。覺得值得一試。 煎餃(雙拼) 10隻，蒜芯鮮蝦豬肉餃同京蔥豬肉餃。蒜芯鮮蝦豬肉餃入面隻隻都有爽口大蝦，京蔥豬肉餃一咬落去肉汁爆發。加左京蔥特別香口。 湯餃雙拼 三色素餃仲入面有木耳、紅白蘿。香茜豬肉湯既香茜比例好多而且豬肉既油香令餃子好香口。 泰式無骨鳳爪，冰凍夠晒爽口，鳳爪好入味唔會太辣，而且份量幾幾多，2-4人分享都仲得，又無骨容易入口，愈食愈想食。 手拍青瓜好爽脆，上面仲加左蒜蓉又唔辣。