影片
更多
2024-06-11
59 瀏覽
係初嚐fine dining唔錯嘅選擇，當平時未試過去啲高級餐廳時，總會有啲淆嘅感覺，呢間餐廳細細地，無咁多人時都無咁大壓力，可以放鬆啲咁品嚐美食。因為唔太肚餓，所以只叫左一個6-course dinner set再另外單點，但佢都仲另外有啲多啲course嘅，下次可以一試今天餐單：Dinner Set 配紅/白酒/茶($799) 巴馬火腿果仁沙律 頂級鵝肝野菌忌廉濃湯 自家製藍花蟹餅 慢煮西班牙黑毛豬鞍焦糖蘋果 比利時朱古力心太軟威靈頓牛柳($438)法式焦糖蘋果酥($118)Draught Beer - L’amour ($99)Dinner Set CP值真係好高，因為佢全部courses都好認真做自家製藍花蟹餅外表睇落可能平平無奇，但切開佢就會見到材料十足，一絲絲嘅蟹肉比得絕不留手，而外面炸衣亦唔會油膩。慢煮西班牙黑毛豬鞍焦糖蘋果嘅豬鞍肉質軟稔，慢煮嘅做法保留到肉汁，即使無加好多調味，但仍然可口。焦糖蘋果作為配菜，唔會太過甜膩，會想令人一啖接一啖。威靈頓牛柳層次分明，酥皮入面嘅蘑菇醬入口時微微地透出，牛柳軟熟。特別一提，擺盤同伴菜都有花心
今天餐單：
Dinner Set 配紅/白酒/茶($799)
巴馬火腿果仁沙律
頂級鵝肝野菌忌廉濃湯
自家製藍花蟹餅
慢煮西班牙黑毛豬鞍焦糖蘋果
比利時朱古力心太軟
威靈頓牛柳($438)
法式焦糖蘋果酥($118)
Draught Beer - L’amour ($99)
Dinner Set CP值真係好高，因為佢全部courses都好認真做自家製藍花蟹餅外表睇落可能平平無奇，但切開佢就會見到材料十足，一絲絲嘅蟹肉比得絕不留手，而外面炸衣亦唔會油膩。
慢煮西班牙黑毛豬鞍焦糖蘋果嘅豬鞍肉質軟稔，慢煮嘅做法保留到肉汁，即使無加好多調味，但仍然可口。焦糖蘋果作為配菜，唔會太過甜膩，會想令人一啖接一啖。威靈頓牛柳層次分明，酥皮入面嘅蘑菇醬入口時微微地透出，牛柳軟熟。特別一提，擺盤同伴菜都有花心思，顏色養眼之餘，南瓜蓉、薯蓉同紫薯蓉都好食，廚師兼顧晒食香味三樣，值得一讚。
兩款甜品亦都係出色之作，上枱時都仲係啱啱出爐嘅狀態。比利時朱古力心太軟味道濃厚，切開朱古力軟心緩緩流出。法式焦糖蘋果酥亦做到外酥內軟，鹹甜交集。
特有嘅L'AMOUR draught beer都值得一提，以餐廳名命名就知對佢充滿信心，自帶一種獨特嘅焦糖香氣，推薦一試。本身諗住講下邊啲菜式做得特別出色，先發現好難勾一種出嚟講，因為真係全部都有佢優勝之處。亦要一讚侍應嘅細心，留意到佢地會不斷留意住顧客嘅狀態，好迅速地上下一道菜同收起餐盤。
餐廳屬於小店，位置有限，但裝修落足心思，特別日子值得嚟呢度慶祝一下，享受美食之餘，仲可以打下卡影下相。
= L'AMOUR // 太和大埔太和路15號太和中心地下38號舖 // 98884532 =
張貼
