La Kaffa (已結業)

今天同Friend嚟到北角嘅La Kaffa Dinner，餐廳燈光好有Feel，裡面嘅裝飾品復古懷舊，休閑嘅人三三兩兩約出嚟坐埋一齊小敘一番，Music柔和輕快，慵懶至極餐牌菜式種類繁多，乍看之下真係有一股樣樣都試下嘅沖動，佢哋嘅二人套餐幾抵食，最後決定先點套餐嚟試下Appetizer選咗蕃茄手工肉丸，酸甜蕃茄醬加香醇濃郁芝士，再搭配純手工手打肉丸，食入口滋味爽滑，肉質結實Q彈，口感十分豐富Main Dish係墨西哥辣烤雞比薩，同樣配料主要係蕃茄同芝士，Pizza底餡比較薄，但烤雞份量夠足，食入口酸酸甜甜，帶一D青椒嘅香辣，惹味出眾海鮮飯醬汁好濃稠，飯粒圓潤香滑，入口軟熟，加上墨魚丸同海口嘅鮮爽，令人感覺到呢道菜有別樣嘅風味食完以上嘅菜式之後，系咪覺得飽飽濟濟？唔緊要，試一下佢哋嘅Seasonal Mixed Fruit Panna Cotta，新鮮水果加上冰涼奶凍，香甜清涼，夏天必備，好正！