La Perouse Restaurant Bar & Lounge (已結業)

睇完飲食男女介紹之後嚟試,我地一行4個女仔上到嚟,好多野想試,但又唔知試咩好,於是問下個待應,結果佢特別推介两個意粉同羊,令外仲叫多左3個頭盤, 凱撒雞沙律,鵝肝,同吞拿魚沙律!!!首先講下個雞沙律,正正常常,無咩特別,但都好食嘅!!而個吞拿魚沙律就唔錯,幾好味,做到頭盤開胃嘅效果!!到個鵝肝,外脆內軟,好好食,正,個汁仲好得意,好特別,所以叫多左份!!到D意粉,一個係白汁蚧肉帶子意粉,白汁好creamy,但一啲都唔漏,粒帶子又鮮,又香,同好多蚧肉,唔同出面果D,食少少就漏到唔想食,總之一個字,正!!!到個龍蝦汁大蝦意粉,個汁好重龍蝦味,隻蝦好大,又鮮又爽,又係一個字,正!!!我覺得呢到啲意粉好有水準,直頭拍得住cafe landmark!!!到個羊勒,食落有羊味,但唔so,唔錯,我鐘意,而且個皮脆嫁....勁正!!!但如果鐘意食so嘅朋友就未必啱.......最後呢餐飽到食唔落甜品,哈.....呢餐唔錯,幾好,個露台又大,可以食食下出去頭下氣食下煙,露台又有mtv睇,仲好鬼死大個screen添,值得encore........