影片
更多
2017-11-06
333 瀏覽
早幾個月前去過尖沙咀嘅Burgeroom食漢堡，揀咗個平平哋嘅「菠蘿煙肉牛肉漢堡」，貪佢有大大片菠蘿，老友就話我知，佐敦都有間專賣漢堡包嘅小店，同樣有一款有大片菠蘿嘅漢堡，叫我一定要試吓，擇日不如撞日，趁老婆有局，就自己一支公嚟咗「Burger Lab」做吓「美味實驗」。叫得小店，環境就一切從簡，左右兩排面壁位，各放置4張高腳櫈，裝修平實，牆上都只喺掛啲圖作做點綴。因為地方唔大，反而見唔少人買外賣拎走。唔好睇少枱上嘅小擺設，其實，都可以令整體感覺會唔同啲。枱下有啲掛勾，方便食客掛吓袋，尤其依一類小店，地方有限，真喺唔容許掗多張櫈用嚟擺袋、擺背囊。啲小店一向嘅重點都唔晌環境度，啲嘢好唔好食先喺致勝之道。所有菜式印晒晌一張A4紙度，包括漢堡包、附加項目、三文治、小食、飲品，喺咁多，略嫌啲字太細粒，有老花嘅朋友就真喺要落足眼力去睇。散點之外，亦設有轉套餐嘅優惠，分為加$22或加$32，同樣配蕃薯薯條或馬玲薯條，分別在於前者拼一般飲料，而後者則拼Bless冷壓果汁，支果汁單買要成$28架，所以，梗喺轉$32嘅套餐啦！晌櫃面點好菜之後，店員先送上膠手套、濕紙巾、紙巾，以便一陣漢堡送到嚟就即時起動
叫得小店，環境就一切從簡，左右兩排面壁位，各放置4張高腳櫈，裝修平實，牆上都只喺掛啲圖作做點綴。因為地方唔大，反而見唔少人買外賣拎走。
唔好睇少枱上嘅小擺設，其實，都可以令整體感覺會唔同啲。
枱下有啲掛勾，方便食客掛吓袋，尤其依一類小店，地方有限，真喺唔容許掗多張櫈用嚟擺袋、擺背囊。
啲小店一向嘅重點都唔晌環境度，啲嘢好唔好食先喺致勝之道。所有菜式印晒晌一張A4紙度，包括漢堡包、附加項目、三文治、小食、飲品，喺咁多，略嫌啲字太細粒，有老花嘅朋友就真喺要落足眼力去睇。
散點之外，亦設有轉套餐嘅優惠，分為加$22或加$32，同樣配蕃薯薯條或馬玲薯條，分別在於前者拼一般飲料，而後者則拼Bless冷壓果汁，支果汁單買要成$28架，所以，梗喺轉$32嘅套餐啦！
晌櫃面點好菜之後，店員先送上膠手套、濕紙巾、紙巾，以便一陣漢堡送到嚟就即時起動，食漢堡幾時都喺搵手揸住嚟食先過癮啲。
菠蘿茉莉花茶（套餐）唔好怪小弟又喺揀「菠蘿」，菠蘿真喺芳香獨特，其實，啲冷壓果汁共5款口味，不過，我都喺鍾意依款菠蘿茉莉花茶多啲。無人造色素，無添加，冷壓減少營養流失，仲喺即日香港製造，菠蘿汁夾茉莉花茶，味道唔錯喎，清甜幽香。
細閱餐牌，漢堡包有成9款選擇，定價$48-$88，此外，有多款食材供附加選項，由$10-$35不等，無加一，小弟個包就揀咗加牛油果。
而眾多包款中，最後一款叫「小店試管漢堡」，大概可當為每月精選，呢期做緊嘅喺「韓式辣雞肉漢堡」，哈韓嘅朋友就啱晒啦！
烤豬頸肉漢堡 $58（加牛油果 $20）點解特別鍾意食有菠蘿嘅漢堡，清甜之餘，更可中和啲油膩，而成份除有烤豬頸肉、烤菠蘿、生菜、洋蔥，最正喺淋上至惹味嘅沙嗲沙律醬，夠獨特。成品送到嚟，件頭大唔講得笑，打橫一睇，餡料堆到滿。因已改為套餐，配上蕃薯薯條，熱辣辣炸得唔油膩，甘脆而好有蕃薯香，只喺略嫌伴茄醬普通啲。
包身外形飽滿漲卜卜，撳落去有回彈力，都唔喺平價貨色，面層脆，入口鬆軟。而菠蘿夾豬頸肉，食落完全無油膩感，加上豬頸肉本身爽爽哋，又添了生菜，脆口感突出；再者，個沙嗲沙律醬確喺惹味，令到個包有種東南亞風。加入牛油果就純粹個人偏好，令自己食起嚟覺得更健康，而牛油果嘅份量亦無手緊，份量十足。
多謝老友推薦，果然喺間有質素嘅小店，怪不得有唔少人幫襯，外賣嘅更多。百幾蚊食餐漢堡包，有人覺得奢侈，但偶一為之享受吓高質素嘢，唔單喺一種味道嘅體驗，亦令人感覺開心啲，好好舒緩心情一下呢！
張貼
