Lady M (已結業)

人人都整400次咖啡，唔通人人都想整咩！前排個個狂推400次咖啡，走在潮流末端嘅我一直未試，直至LadyM 推出呢個400次咖啡，本人表示非常滾動😆終於唔使打泡打到斷手都有得飲喇！😍講返杯咖啡，冰嘅比例拿捏得好好，外賣返到公司，隔咗大半個鐘，唔會融晒冰變咗飲冰水，攪勻面層咖啡泡同底層鮮奶後，仍然得到一杯好濃郁，質感好rich嘅咖啡！甜度嚟講亦算適中，對於飲慣走甜咖啡嘅我都覺得可接受，唔會太甜，總括而言，呢杯400次咖啡我都係會再encore嘅，下次配返件千層蛋糕更perfect池！