齊柏林熱狗店 (德泰大廈)

營業中

休息中

最近發現原來屋企附近開左間齊柏林，次次經過其他分店都大排長龍，今次可以係屋企坐住慢慢等。* (套餐) 澳式風情熱狗 + 2款自選小食 $59裹面配料有芝士、菠蘿、煙肉碎、紐倫堡腸、千島醬全部熱狗都即叫即製，鬆軟的熱狗包和腸用鐵板烘過，表面的芝士再用火槍燒，所以打開個盒已經好香。雖然有大量千島醬，但加上芝士同煙肉的咸味，酸酸甜甜，剛好中和油膩感，食落唔會好膩。小食要2份細薯條，店員會問清楚介唔介意放埋一個大盒，茄汁會吱在盒邊，唔會令口感加快變淋，食落仲保持到外脆內軟。如果芝士控可以額外加芝士，香好多之餘仲可以做到拉絲效果。