MAZ Thai & BBQ (已結業)

朋友介紹灣仔泰菜館話好掂，于是約齊人組團黎到。餐廳是酒吧式格調，環境雅致，睇睇餐牌由於女士居多所以都是點了些清淡簡單泰菜。點了杯芒果沙冰，夠香濃。店員很好服務，很親切有禮，非常陽光。蒜蓉包，餐前小食。泰式串燒，非常有泰式風情，在調味、烤度上都非常好，醬汁亦是靈魂，令整道菜更升一番滋味。然後係最最最正的泰式菜肉包，這是我食過咁多間泰菜整得最好味的菜肉包。肉粒有調味，非常香、對於友人來講是較辣，但對我來講是恰當非常好！(可能因為我是愛辣之人，特別偏愛這種泰式辣)生菜新鮮，伴著調得非常好食的肉粒入口，正。咖哩牛坑腩，囡囡們話要試下，我個人覺得都Ok，不過如果再辣多少少就更好喇～最後為讓晚餐劃上完美句號，點了份生蠔啦，囡囡的至愛。生蠔的美妙之處我便不過多解釋啦，連囡囡們都話：正～呢間嘢食物質素、環境、員工service都好好，會有下次。