影片
更多
2010-07-07
34 瀏覽
其實同朋友喺佢開張頭幾日已經試過，當時已經好想同大家分享吓我嘅「奇遇」，不過我本身又唔係太識開新版做第一個評論者；於是無寫食評。但係見到有咁多好評，我真係有d爪破頭皮，同時我真係忍唔住就呢間野寫個食評。首先我覺得日本人做日本菜唔係100%保證好食，你去日本旅行都會食著d超難食嘅日本野，仲要係喺日本由日本人主理。不過你諗深一層，香港都隨處可以食到d好難食嘅茶餐廳同云吞麵舖。以上講咁多其實係想話比大家知，唔好一見到係日本人開嘅食店，未食就又話正宗、又話好掂啦！のれん- No Ren，其中一個解法是店舖門口掛著的布簾。很奇怪喺門口揾唔到布簾。此店並沒有漢字名，好似一心只做日本人咁！一入去，一位老先生(應該是該店日藉老闆)和兩位菲藉侍應恭迎我同我朋友。基本上，店子無甚裝修，大概有十幾個位。在門口無睇過餐牌，坐低一看，午市定食只有「三」款(豚肉生姜燒,咖喱定食、...唔記得第三個係乜)！OK! 好似玩實力派，做得你咁專注係好事，當時的確好有期待！我朋友個咖喱定食嚟先，用銻碟上好有日本庶民食堂feel!同我哋估計一樣，咖喱牛肉碎飯，d咖喱杰了少許，唔難食，不過我估我喺超市買pack咖喱磚番屋企做會
首先我覺得日本人做日本菜唔係100%保證好食，你去日本旅行都會食著d超難食嘅日本野，仲要係喺日本由日本人主理。不過你諗深一層，香港都隨處可以食到d好難食嘅茶餐廳同云吞麵舖。
以上講咁多其實係想話比大家知，唔好一見到係日本人開嘅食店，未食就又話正宗、又話好掂啦！
のれん- No Ren，其中一個解法是店舖門口掛著的布簾。很奇怪喺門口揾唔到布簾。此店並沒有漢字名，好似一心只做日本人咁！一入去，一位老先生(應該是該店日藉老闆)和兩位菲藉侍應恭迎我同我朋友。基本上，店子無甚裝修，大概有十幾個位。在門口無睇過餐牌，坐低一看，午市定食只有「三」款(豚肉生姜燒,咖喱定食、...唔記得第三個係乜)！OK! 好似玩實力派，做得你咁專注係好事，當時的確好有期待！
我朋友個咖喱定食嚟先，用銻碟上好有日本庶民食堂feel!同我哋估計一樣，咖喱牛肉碎飯，d咖喱杰了少許，唔難食，不過我估我喺超市買pack咖喱磚番屋企做會好食d。
我個豚肉生姜燒嚟啦！依！未見過咁樣嘅豚肉生姜燒，日文漢字的燒可以解作「炒」的意思，豚肉生姜燒在日本同香港都食過。多數都係豚肉洋蔥用生姜汁炒成。今次呢個係有幾片燒的豚肉片，下面有椰菜絲墊底，最後有一執仔生姜蓉喺面，算我孤陋寡聞，真係聞所未聞；見所未見！Anyway, 咁都唔重要，最緊要係好食。
我講得呢句就知有下聞啦，夾起一片豚肉同少少椰菜，食落真係有d唔識形容嘅味，分番開豚肉同椰菜食，終於搵到問題所在 - 椰菜！真係有陣好怪嘅味，一定要形容就似係塑膠味。咁我哋咪同侍應反映下順便問吓點解做法有別於平時食開嗰d。咁佢就解釋，呢種味同做法至係正宗。哦！收到！你打份工都係唔好太難為佢。
結帳時我覺得作為一個希望食肆有改善嘅食客，比番d意見係合理嘅。第一，就係嗰隻唔識點形容嘅味，如果係正宗口味嘅話，我寧願食d唔正宗嘅Version。第二，就係定食嘅漬物絕對唔可以用壽司姜代替。第三，就係餐牌選擇太單薄。最後，就係餐牌交代不清，a-la-carte同定食寫埋一堆，容易誤導人客。
我本身以前都係做廚房嘅，我直覺認為阿日本老伯應該唔係做開飲食，可能退咗休想搞d小生意掛，廚房另有一位日本先生負責，不過偷望廚房格局(用电磁爐做炒物係毫無鑊氣可言嘅)同埋出嚟嘅食物水準，我睇佢都應該唔係做開出品部嘅人。
我都唔想插得佢咁勁，而家飲食咁難做。不過我真係覺得應該一視同仁，唔好見有日本人坐隔離枱(我見佢都越嚟越少同鄉幫襯，咁日本人民族性強都唔會麻木成咁)，又者見到係日本人開嘅話，就起勢又話好掂,又話好正宗，要信吓自己嘅味覺...
機會就一定要比吓人，無論佢係香港人開定日本人開。我會過多一兩日再去試過。
不過好坦白，我覺得好多土炮日本野好食過佢好多！
張貼
